web counter
LEXO PA REKLAMA!

SHKARKO APP

App Store
Google Play

E fundit!

x

Begaj, në SPAK për zhvatje pronash/ Klodian Tomorri ‘tallet’ me ‘Presidentin’ e Ramës

3 Qershor 2022, 21:30, Politikë CNA
Begaj, në SPAK për zhvatje pronash/ Klodian Tomorri
Gazetari Klodian Tomorri

Gazetari Klodian Tomorri ka reaguar për Gjeneral Bajram Begajn, kandidatin e propozuar nga mazhoranca si President i ri i Republikës.

Me anë të një statusi në rrjetet sociale, Tomorri ironizon Begajn, teksa e quan rastësi faktin që kandidati për President është kallëzuar në SPAK lidhur me dhënien e pronave të ushtrisë.

“Çfarë rastësie, çfarë rastësie!

Shefi i shtabit që ka firmosur për dorëzimin e pronave të ushtrisë, tani bëhet President”, shkruan gazetari.

Ndërkohë, kujtojmë se më 6 prill 2021, Artur Meçollari ka depozituar pranë SPAK-ut një padi për “shpërdorim detyre” në adresë të Gjeneral Major Bajram Begajt, me detyrë shef i Shtabit të Përgjithshëm të FA, Gjeneral Brigade Ilir Xhebexhisë, me detyrë komandant i Forcës Detare dhe kolonel Altin Kurtit, me detyrë komandant i Policisë Ushtarake.

Sipas padisë, drejtuesit më të lartë të Forcave të Armatosura janë përgjegjës për ndërtimin e paligjshëm, të kryer në brendësi të territorit të Bazës së Shëngjinit.

Denoncimin për kallëzimin në SPAK e ka bërë gazetari Ferdinand Dervishi, i cili njofton se më 29 korrik 2021, SPAK-u i konfirmoi se kishte nisur hetimet për padinë, ndërsa më 14 shtator 2021 i pohoi se nuk kishte ende persona nën hetim./ B.A. – CNA.al





Lajmet e fundit nga