Deputetja Marjana Koçeku ka folur ditën e sotme lidhur me ...
Begaj kandidat për President/ Grupi i Alibeajt: Ishte paracaktuar nga mafia e pronave shtetërore
3 Qershor 2022, 21:16, PolitikëCNA
Deputeti Enkelejd Alibeaj
Pas propozimit të Bajram Begajt si President i ri i Republikës, ka ardhur edhe reagimi i grupit parlamentar të Enkelejd Alibeajt.
Grupi i Alibeajt deklaron se emri i Begajt nuk është surprizë, ndërsa thekson se kandidati ishte paracaktuar nga mafia e pronave shtetërore.
“Asnjë surprizë nga procesi personal i Edi Ramë për zgjedhjen e Presidentit të Republikës. Ai nxori sot nga xhepi zarfin me emrin e kandidatit të paracaktuar nga mafia e pronave shtetërore.
Grupi Parlamentar i Partisë Demokratike kishte paralajmëruar se Edi Rama i ka farsë përbetimet për President konsensual dhe gjithëpërfshirës. Moslegjitimimi i kësaj farse të paralajmëruar nga ana jonë, qoftë edhe me votë kundër, është detyrë e çdo deputeti të Opozitës.
Pjesemarrja në votim nënkupton që t'i japësh fytyrën e normalitetit demokratik regjimit të Edi Ramës, ndërkohë që ai po ndërmerr një akt tjetër personal për të asgjësuar një tjetër institucion kushtetues të pavarur.
PD nuk mund të jetë në seancë si fasadë për të legjitimuar kapjen e institucionit të Presidentit, as dëshmitare e atij procesi, sa kohë rezultati i votimit dihet. PD nuk mund të votojë një President që del nga xhepi i Edi Ramës, jashtë një procesi gjithëpërfshirës dhe transparent”, thuhet në deklaratë./ B.A. – CNA.al
