LEXO PA REKLAMA!

SHKARKO APP

App Store
Google Play

E fundit!

x

Përfundon takimi në Kryeministri/ Zbardhet biseda e Ramës me Bajram Begajn

3 Qershor 2022, 21:03, Politikë CNA
Përfundon takimi në Kryeministri/ Zbardhet biseda e Ramës me
Kryeministri Edi Rama dhe Gjeneral Bajram Begaj në Kryeministri

Zbardhet biseda e kryeministrit Edi Rama me kandidatin e sapopërzgjedhur nga mazhoranca për Presidentin e ri të Republikës, shefin e Shtabit të Përgjithshëm të Forcave të Armatosura, Gjeneral Bajram Begajn.

Kreu i qeverisë ka publikuar në rrjetet sociale disa pamje të shkëputura nga takimi me Begajn në zyrën e tij, në Kryeministri.

Begaj i premtoi kryeministrit se do të përpiqet që të jetë në lartësinë e duhur dhe theksoi se do të jetë në shërbim 24/7 në krye të detyrës.

Pjesë nga biseda:

Rama: Ky sistem që kemi kështu është, është e pamundur që të ndërtohet një proces ku njerëzit mund të njihen më parë me mundësinë për tu zgjedhur, kështu që sot kemi pasur diskutim në kryesi. Ishte një nga diskutimet më të mira dhe në fund ramë dakort që ju jeni i duhuri për ta normalizuar zyrën e institucionit të Presidentit të Republikës, ju falenderoj që nuk shfaqët refuzim por pranim, do t’ju japim votën që të zgjidheni zyrtarisht.

Begaj: Është vlerësim i madh që të jesh President i një vendi, do të përpiqem që të jem në lartësinë e duhur.

Rama: Ne kemi bindjen që ju do të jeni një aset i vyer, sepse unë kam besim sepse jemi njohur më parë. Të gjithë që morën fjalën folën me respekt dhe bindjs që ju mund të bëni detyrën e duhur. Uroj që të keni deri në fund besnikërinë që ju karakterizon ndaj shtetit dhe atë forcë të madhe të humanizmit të Forcave të Armatosura. Cilësi këto që janë mjaft të arsyeshme që ju do ta merrni shpejt përmasën e detyrës dhe do ta mishëroni atë simbolikë të unitetit kombëtar që është edhe ADM e forcave të armatosura.

Begaj: Do t’i përmbush me sukses dhe besoj se do të jem në shërbim 24/7 në krye të detyrës./B.A. - CNA.al

Lajmet e fundit nga