LEXO PA REKLAMA!

SHKARKO APP

Çfarë ndodh nëse vulën e merr Berisha ose Basha?

20 Shkurt 2023, 16:04, Politikë CNA

 

Çfarë ndodh nëse vulën e merr Berisha ose Basha?
Fotomontazh - Lulzim Basha dhe Sali Berisha

Çështja e vulës së Partisë Demokratike është një nga diskutimet më të mëdha politike, megjithëse është një vendim që i përket një procesi drejtësie. Kjo e fundit në Shqipëri ende e ka shumë të ulët besueshmërinë.

Politikisht Berisha ka treguar se është ai lideri i Partisë Demokratike, është njeriu që ka shumicën e saj.

Gjithsesi, është Gjykata që duhet të vendosë me procedurat e saj, sepse Luli dhe të tijtë pretendojnë se vula u përket atyre.

Lulzim Basha është zgjuar, ka dalë nga strofulla dhe po kërkon që të marrë vulën. Së fundi u shfaq në TV-të e pushtetit, me një flamur të zhubrosur dhe flokët plot llak, duke rënkuar se akuzat ndaj tij nga Berishistët ishin të padrejta.

Çfarë ndodh nëse vulën e merr Berisha ose Basha?

Basha si presion ndaj Berishës po përdor Alibeajn që të shpallë kandidatura në shumë nga bashkitë e vendit.

Gjyqi është shumë shpejt. Në datën 3 mars 2023 pritet të zhvillohet seanca. KQZ ka afatin e fundit të regjistrimit të subjekteve garuese tre ditë më pas.

Nuk dihet nëse është finalja apo mund të shtyhet dhe të ecë përpara.

Po çfarë ndodh në rast se do të kemi një vendim gjykate?

Cilat janë vendimet? Janë tri.

Një vendim që e merr vulën Berisha dhe një vendim që e merr vulën Basha.

Vendimi i tretë mund të jetë rikthim, rishqyrtim në shkallë të parë, apo shtyrje etj.

Në rast se vulën e merr Berisha, kandidatët aktualë të shpallur nga Primaret, kandidatët e asaj që quhet Foltorja, që në fakt është PD-ja zyrtare regjistrohen në KQZ, bashkë me kandidatë e tjerë të këshillave bashkiakë dhe koalicionin përkatës.

Çfarë ndodh nëse vulën e merr Berisha ose Basha?

Lulzim Basha ngelet pa vulë dhe parti, kandidatët e tij nuk kanë si të regjistrohen, e vetmja zgjidhje do të ishte formula e një koalicioni me parti të tjera, që shpallnin kandidatë njerzit e Bashës.

Nëse vulën e merr Lulzim Basha, i cili në fakt figuron ende kryetari i PD-së, në gjykatë, ata që ka shpallur Basha kandidatura, regjistrohen në KQZ si kandidatët e PD-së, të vulës dhe nga ana tjetër kandidatët e Berishës do të regjistrohen me koalicion të ri politik, i cili mund të kryesohet nga LSI-ja siç ndodhi në zgjedhjet e 6 marsit 2022.

Pra do të jemi në të njëjtën situatë, siç ishim një vit më parë me 6 mars 2022.

Më tej

Lulzim Basha nuk e pranon politikisht Berishën, ai merr vulën regjistron kandidatët e tij nga Jugu në Veri.

Kuptohet që aktualisht kanë shpallur shumë pak kandidatura.

Diku mund të ketë mbështetje të kandidatëve të dalë nga Berisha dhe qartësisht loja është e dukshme që çdo palë që merr vulën regjistron kandidatët.

Çfarë ndodh nëse vulën e merr Berisha ose Basha?

Por çdo të ndodhë në rast se Basha merr vulën, me kandidatët e Berishës, të cilët ai nuk pranon t’i regjistrojë apo kandidatë të Berishës që mund të kalojnë nga Basha, apo që të gjithë kandidatët e Berishës mund të regjistrohen në një koalicion që mund të quhet Poli i Demokracisë ku përfshihet LSI-ja, partitë e tjera politike dhe Berisha vendos kandidatët e tij.

Do të jetë një garë që duket qartazi se në finale do të na japë një produkt si ai i 6 marsit 2022 që theksuam më lart.

Në rast se do të ketë një kthim për rishqyrtim apo një vendim gjyqësor për shtyrje e të tjera si këto, PD do të vazhdojë të ketë një ngërç, konflikti do të zgjasë, por në zgjedhje do të shkojë me vulën zyrtare që në fakt e kanë Luli, Alibeaj e Gazment Bardhi dhe Partia Demokratike të shumicës që e ka Berisha, do të detyrohet të futet në një koalicion ashtu siç ndodhi një vit më parë.

Çfarë ndodh nëse vulën e merr Berisha ose Basha?

Por, pritet të ketë shumë rrjedhje kandidaturash andej nga do të anojë vula.

Sepse mund të ketë kandidatë të Bashës që mund të tërhiqen nga gara, apo kandidatë të Berishës që mund të tërhiqen nga gara e të regjistrohen me Bashën.

Por, këto janë pjesë e një skeme tjetër që mund të ndodhë pas shpalljes së vendimit të Gjykatës.

Faktet janë dy.

Në rast se del Basha dhe merr vulën ai do të regjistrojë kandidatët e tij, ndërsa Berisha do të detyrohet të regjistrojë kandidatët me një koalicion tjetër.

Nëse vulën e merr Berisha, Basha pritet të ngelet pa hyrë në zgjedhjet lokale, megjithëse ka një shpresë.

Shpresa është koalicioni i ri i Dashamir Shehit dhe Astrit Patozit, ku shumë nga kandidatët e Bashës mund të shkojnë e të regjistrohen me këtë koalicion politik.

I njëjti opsion mund të zbatohet edhe nga kandidatët e Berishës nëse vulën e merr Basha. Ata mund të regjistrohen me koalicion politik si në 6 marsin e shkuar me LSI-në ose me koalicionin e ri politik “Aleanca progresiste”, të Dashamir Shehit dhe Astrit Patozit./ CNA.al

Lajmet e fundit nga