Kujt i duhet vula e Lulit?

1 Dhjetor 2022, 18:06, Politikë CNA

Foto ilustruese

Të gjithë po flasin për vulën, datën e gjyqit, vulën e PD-së do ta marrë doktori apo do ta marrë Luli.

Në qarqet mediatike diskutohet që e ka të marrë Luli. Burime afër Bashës thonë që “po”, ka ndryshuar situata për vulën, pas dy seancave që janë shtyrë të gjykatës. Gjithashtu edhe në korridoret e PD-së zyrtare të Berishës flitet se vula tashmë po kalon te Basha dhe do të jetë ky i fundit që do ta mbajë.

Ish kryetari i PD-së, Sali Berisha

Në fakt është bërë problematike, diskutohet, prej muajsh ka përplasje, gjykata vendime, pro Berishës, kundër Berishës, Basha hap çështje, i apelon, ndërkohë së fundmi Berisha ka çuar një tjetër padi në gjykatë e kështu me radhë. Vulën po kërkon ta marrë Luli.

Ekskluzive/ Basha po merr vulën e PD-së
1 Dhjetor, 14:06

Lind pyetja: Ja e mori Luli vulën, çfarë do ta bëjë?

Le ta marrë vulën, partia nuk është vulë, partia është frymë, partia janë ‘njerëzit’, partia është lidership. Lulzim Basha nuk ka as njerëz, nuk është as lider, nuk krijon as frymë. Do ta marrë vulën dhe do ta futë …..

Minimalisht Edi Rama bëhet me dy vula, në nocionin politik. Diplomatët ndoshta trokasin dyerve të gjykatave, për të mos i dhënë “non grata”-s vulën, për ta lënë pa vulë, por thjeshtë dhe vetëm do të rëndojnë më tepër situatën, sepse njerëzit i ka Berisha, lidershipin e ka Berisha, opozitën e ka Berisha.

Foto ilustruese

Çfarë do të bëjë Luli me vulën? Do të nxjerrë kandidatë për të humbur opozita dhe për t’i shërbyer Edi Ramës, asgjë më shumë sesa kaq.

Partia Demokratike dhe ajo vulë që ka Luli, nuk vlen asgjë, pasi nuk ka vota, kjo u provua në 6 mars. Për më tepër në qoftë se Luli do të marrë vulën dhe do të dalë me kandidatët e tij, përballë kandidatëve të Berishës, do të jetë edhe më keq, sepse do të marrë më pak vota dhe atje ku janë 3 kandidatë, ai do të dalë i katërti sepse do të marrë më pak vota se votat e pavlefshme.

Kur do t'i shpallë Luli kandidatët e vulës
24 Nëntor, 15:15

Partia nuk është çështje vule. Vula e Lulit është vjedhje që i bëhet logos së PD-së, për të bërë ca shkresurina dhe për t’u përplasur në fletën e votimit, për t’i shërbyer kryeministrit.

Luli me apo pa vulën nuk vlen më në politikë, është i hedhur në koshin e plehrave, jo se ka apo nuk ka vulën, është apo nuk është me Saliun, por sepse nuk është politikani, nuk është lideri që e mbështesin njerëzit për opozitarizëm.

Foto ilustruese

Mjafton të shikohet aktiviteti i tij politik këtë vit dhe gjithçka kuptohet që nga 8 janari, kur mori drunë dhe u ra demokratëve, që nga zgjedhjet e marsit ku doli i tretë dhe nuk fitoi asnjë bashki. Përkundrazi me diferencë të madhe, dhe në Shkodër që tentoi të sabotonte nuk mundi dot, pra fitoi Berisha.

Basha dhe Alibeaj, juristët që nuk paraqiten dot në gjykatë kur u "sëmuret' avokati
14 Nëntor, 13:23

Ndaj dhe çdolloj vule, kudo që të shkojë, sido që të shkojë, sido që ta përdorë Luli, në përfundim është thjeshtë dhe vetëm klientelizëm politik, është korrupsion për xhepat e Lulit, për qëllimet e Lulit dhe një grusht njerëzish që kërkojnë të bëjnë pazar për të qenë prapë në PD, për të marrë mandate deputetësh, për të marrë poste, thjeshtë dhe vetëm duke negociuar se kanë vulën në dorë, por ajo nuk i vlen më askujt dhe ky qëndrim thjeshtë dhe vetëm tregon se sa i pavlerë dhe i papeshë do të jetë në politikë Lulzim Basha dhe të tijtë./ CNA.al