web counter
LEXO PA REKLAMA!

SHKARKO APP

App Store
Google Play

Zyrtarizoi koalicionin me Patozin për 14 majin/ Shehi: Ja cili është qëlllimi

20 Shkurt 2023, 15:22, Politikë CNA

Zyrtarizoi koalicionin me Patozin për 14 majin/ Shehi: Ja cili

Kryetari i LZHK-së, Dashamir Shehi, dhe kreu i Bindjes Demokratike, Astrit Patozi, zyrtarizuan të premten marrëveshjen për garimin e përbashkët në zgjedhjet lokale të 14 majit.

I ftuar në studion e "Euronews Albania" Shehi tha se objektivi i koalicionit të tyre është që çdo votë kundër qeverisë t’i shkojë kandidatit të opozitës, nëse ai do jetë 1 i vetëm.

Sipas Shehit, qëllimi i garimit të tyre veçmas bëhet me qëllimin që opozitës t’i shkojnë dhe ato vota, të cilat janë kundër Ilir Metës dhe Sali Berishës.

“Ne do të bëjmë maksimumin që çdo votë e mundshme t’i shkojë opozitës, edhe votat e atyre që nuk pëlqejnë Metën apo Berishën. Uroj që kandidatët të jenë të vetëm, që të mos bëjnë një rrëmujë në popull. Se po dolën dy, le të dalin dhe tre a katër, pastaj. Ne do të shkojmë t’i mbështesim, por do mbështesim dhe idenë tonë alternative brenda opozitës. Gjithmonë në funksion të luftës kundër Partisë Socialiste dhe Edi Ramës. Kush nuk është në betejë me Edi Ramën nuk ka vend në opozitën shqiptare. Për ne ky është filli i kuq, këtu ndahen historitë. Pastaj seç bëjmë ne në oborrin e shtëpisë sonë, kjo është temë jona. Unë mendoj se ka ardhur koha që të hapet diskutimi ç’është e mira apo e keqja”, tha Shehi.





Lajmet e fundit nga