LEXO PA REKLAMA!

SHKARKO APP

E fundit!

x

Lala bën deklaratën e fortë/ “Trafikantët në parlament po kontrollojnë vendin”

27 Qershor 2022, 21:56, Kronika CNA
Lala bën deklaratën e fortë/ “Trafikantët në
Foto ilustruese

Gazetarja Klodiana Lala ka bërë një deklaratë të fortë, duke u shprehur se në Tiranë, nuk flet dot për emra trafikantësh pasi ata janë në parlament dhe kontrollojnë vendin.

E ftuar në emisionin "Të Paekspozuarit", ndër të tjera Lala tha se vendet me ngjarjet kriminale më të shumta janë Shkodra, Durrësi dhe Vlora.

“Kemi disa qytete problematike, Durrësi që ka shënuar shpesh ngjarje të rënda dhe lidhet me portin. Kemi anijen me mall të hapur që u kap kokainë brenda qymyrit. Durrësi ka pasur ngjarje të rënda mafioze, veçoj Edmond Çekiçin, atentati ndaj prokurorit e shumë të tjera, pra personazhe që tregojnë shumë për hartën e krimit. Vlora, është një qytet tjetër, por kohët e fundit ka ndryshuar pak strategji, pasi pati shumë të rinj të zhdukur për të mos gjetur gjurmë. Kemi raste të skeduara, kemi folur me familjarët dhe u kamuflua në këtë formë, pra duke mos pasur trupin ke të vështirë ngritjen e akuzës.

Elbasanin po ashtu e kemi një qytet problematik. Shkodra po ashtu. Fieri është një qytet shumë problematik. Fieri është ndryshe, kemi shumë pak vrasje sepse duket sikur ka marrëveshje mes botës së krimit. Atje kemi hidrokarburet me të cilat nuk merret askush. Atje po të shohësh nuk kemi asnjë arrestim. Nikla pastaj që lidhet me Durrësin, por do e ndaj veç sepse të gjitha fijet e krimit na çojnë në Nikël. Ndërsa për Tiranën nuk flas dot për emra trafikantësh sepse këta kanë vajtur në parlament dhe po kontrollojnë vendin”, tha Lala./ A.E-CNA.al

Lajmet e fundit nga