LEXO PA REKLAMA!

SHKARKO APP

Grabitja me armë në Tiranë, policia: 5 mijë euro kushdo që jep informacion për autorin

9 Shkurt 2024, 10:44, Kronika CNA

Grabitja me armë në Tiranë, policia: 5 mijë euro kushdo

Policia ka dalë me një njoftim zyrtar në lidhje me grabitjen me armë zjarri që ka ndodhur në një dyqan celularësh në rrugën "Myslim Shyri" në Tiranë. 

Policia sqaron se një person me maskë të zezë dhe me një xhup të kuq, nën kërcënimin e një sendi të dyshuar si armë zjarri pistoletë, ka marrë disa aparate celular në dyqanin e shtetasit M. F. 

Policia jep 5000 euro, për çdo informacion të vlefshëm që do të çojë në kapjen e autorit. 

Njoftimi i Policisë: 

Më datë 09.02.2024, rreth orës 09:30, në rrugën “Myslym Shyri”, një person me maskë të zezë dhe me një xhup të kuq, nën kërcënimin e një sendi të dyshuar si armë zjarri pistoletë, ka marrë disa aparate celular në dyqanin e shtetasit M. F., dhe më pas është larguar.

Grupi hetimor ndodhet në vendngjarje dhe po punon për zbardhjen e dokumentimin e autorësisë të kësaj ngjarje.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij.

Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118 duke garantuar anonimatin e plotë të çdo telefonuesi./CNA 

Lajmet e fundit nga