LEXO PA REKLAMA!

SHKARKO APP

Atentati në Shkodër/ Zbardhet dëshmia e 60-vjeçarit: Plumbi më kapi në fytyrë, s'kam konflikte me njeri

9 Shkurt 2024, 10:20, Kronika CNA

Atentati në Shkodër/ Zbardhet dëshmia e 60-vjeçarit:

Zbardhet dëshmia e 60-vjeçarit me iniciale S.B., i cili mbeti i plagosur gjatë një atentati me armë zjarri mbrëmjen e djeshme në qytetin e Shkodrës. 

Mësohet se 60-vjeçari ka deklaruar se nuk ka asnjë dijeni lidhur me plagosjen e tij dhe se nuk ka arritur që të dallojë automjetin.

Ai ka treguar se ka shpëtuar për mrekulli pasi në momentin që u qëllua, lëvizi dhe plumbi e kapi vetëm në një pjesë të fytyrës dhe fatmirësisht jo në kokë.

60-vjeçari është shprehur se nuk ka konflike me asnjë njeri. 

“Unë sapo lashë mbesën time te një punonjës që është afër picerisë. Sapo jam ulur poshtë më kanë qëlluar. Kam shpëtuar për mrekulli sepse në atë moment jam kthyer dhe plumbi më kapi fytyrën sepse ndryshe mund të më kishin qëlluar në kokë. Nuk kam arritur që të shoh asgjë. Nuk kam asnjë problem me askënd dhe nuk e di kush mund të jenë autorët. Po ashtu nuk kam arritur që të shoh asnjë makinë apo mjet tjetër të autorëve. Nuk kam pasur asnjë kërcënim apo problem ndaj nuk e kam idenë se kush më ka qëlluar dhe për çfarë arsye”, mësohet të ketë thënë i plagosuri.

Autorët hapën zjarr afro 10 herë me automatik kallashnikov, por vetëm një plumb e kapi në pjesën e fytyrës. 

60-vjeçari i është nënshtruar një ndërhyrjeje dhe është jashtë rrezikut për jetën, por ndodhet nën kujdesin e mjekëve./CNA 

Lajmet e fundit nga