web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet polici në Durrës/ Qëlloi me armë në drejtim të një makine

9 Shkurt 2024, 08:41, Kronika CNA
Arrestohet polici në Durrës/ Qëlloi me armë në drejtim
Foto ilustruese

Agjencia e Mbikëqyrjes Policore ka njoftuar se ka arrestuar në Durrës në flagrancë nënkomisarin me iniciale K.Gj, pasi gjatë një konflikti me një të ri, kanë qëlluar me armë në drejtim të makinës së këtij të fundit. 

Pjesë e sherrit ka qenë djali i nënkomisarit. Fatmirësisht nuk ka persona të lënduar. 

Njoftimi: 

Agjencia e Mbikëqyrjes Policore (Rajoni Durrës-Kavajë) ka arrestuar në flagrancë punonjësin e policisë N/Komisar K. GJ., me detyrë specialist në seksionin e shërbimeve ndaj të tretëve në DVP Durrës, si edhe shpalli në kërkim shtetasin D. GJ., si të dyshuar për kryerjen e veprës penale "Vrasje e mbetur në tentativë" në bashkëpunim dhe "Armëmbajtje pa leje".

Arrestimi i N/komisar K. GJ. u krye pasi nga tërësia e veprimeve hetimore paraprake ka rezultuar se në bashkëpunim me shtetasin D. GJ., 24 vjeç (djali i tij), më datë 08.02.2024, rreth orës 13:25, në lagjen Nr.2 të qytetit të Kavajës, janë konfliktuar për motive të dobëta dhe kanë qëlluar me armë ndaj automjetit me të cilin udhëtonte shtetasi K. K., 29 vjeç. Nga kjo ngjarje nuk ka patur të lënduar.

Në përfundim të veprimeve hetimore, materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.

AMP mbetet e përkushtuar në misionin për garantimin e zbatimit të ligjit dhe vetëpastrimin e Policisë, ndërsa fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, Gardës së Republikës apo Shërbimit për Mbrojtjen nga Zjarri dhe për Shpëtimin, duke telefonuar falas në numrin 08009090./CNA 

Arrestohet polici në Durrës/ Qëlloi me armë në drejtim

 

 





Lajmet e fundit nga