web counter
LEXO PA REKLAMA!

SHKARKO APP

App Store
Google Play

E fundit!

x

FAKTET/ Vjollca Hoxha si Erion Veliaj

16 Korrik 2024, 15:49, Opinione CNA
FAKTET/ Vjollca Hoxha si Erion Veliaj
Fotomontazh/ Erion Veliaj dhe Vjollca Hoxha

"Top Channel", i drejtuar nga Vjollca Hoxha, ishte media kryesore në ortakëri me aferën e inceneratorëve.(lexo këtu)

Nga SPAK-u sot mësuam se me grupin e strukturuar kriminal të inceneratorëve, ku përveç Mirel Mërtirit që donte të fshihej dhe Klodian Zotos që ishte "kamerieri" i tij, janë përfshirë në aferë, politikanë, zyrtarë të lartë e deri te mediat. (lexo këtu)

Afera e inceneratorëve, me akuza apo jo politike, ka një kokë, një kokë që e ka filluar historinë, emrin e ka Erion Veliaj, i cili aktivizoi një projekt të IFC-së, sipas tij, apo në një mbledhje të Këshillit Bashkiak, na thotë qartazi se ishte ai që kishte kërkuar që të trajtoheshin mbetjet e Tiranës sepse ne jemi taksapagues, duhet të kishim edhe ne inceneratorin të zgjidhnim çështjen e landfillit.(lexo këtu)

FAKTET/ Vjollca Hoxha si Erion Veliaj
Inceneratori i Tiranës

Por Erion Veliaj është një mashtrues klasik, është njeriu që për 24 orë hedh 40 mijë firma, që do të duheshin ndoshta ditë të tëra. Është njeriu që thotë se ka mbjellë 1 milion pemë, ndërkohë që duhet të kishte sa njerëz edhe pemë në Tiranë, apo ndoshta më shumë, por Banka Botërore dhe shkrimet investigative e rrëzuan këtë tezë. (lexo këtë)

Njeriu që nuk di gjë se çfarë ndodh, nuk e dinte as kur edhe drejtorët e tij ishin hajdutë, thjesht dhe vetëm doli e i mori në mbrojtje, në fillim tha se nuk e dinte se disa zyrtarë i kishin bërë këto veprimet. (lexo këtu)

Nuk i njihte hajdutët e tij, megjithëse i kishte qarkulluar sa në një zyrë, në një zyrë, i kishte bërë drejtorë në një institucion tjetër, qenë bashkëpunëtorët kryesorë të njerëzve të inceneratorëve, ishin hajdutët e "5D"-së e kështu me radhë. Tentoi t'i mbronte, tha ish-zyrtarë, më pas tha janë drejtorët, organizata jonë, përpëlitje, strese, beteja dhe tani në fund që thotë se sërish ai s'ka asnjë përgjegjësi për inceneratorët, se fajin e ka qeveria, ashtu sikundër ka thënë për dosjen "5D". (lexo këtu)

FAKTET/ Vjollca Hoxha si Erion Veliaj
Erion Veliaj dhe drejtorët në Bashkinë e Tiranës

Të njëjtën gjë mund të analizojmë edhe për Vjollca Hoxhën pas njoftimit të SPAK-ut, ku është marrë si i pandehur Endrit Habilaj, drejtori i "Top News". (lexo këtu)

Sipas kësaj logjike, i bie që drejtori i Vjollca Hoxhës i ka bërë të gjitha, kurse Vjollca nuk dinte gjë, megjithëse në ortakëri, Endrit Habilaj në kompanitë që merrte paratë e inceneratorëve ka qenë me shefen e Marketingut të "Top Channel".  Të pesta kompanitë ishin të hapura me NIPT-e në godinën e "Top Channel", megjithëse emrat e kompanive ishin të lidhur me subjektet e "Top Channel", si "Top News" apo "Gazeta Shqip", dhe me paratë e inceneratorëve paguhej kanali i "Top News" dhe "Gazeta Shqip". (lexo këtu)

FAKTET/ Vjollca Hoxha si Erion Veliaj
Fotomontazh/ Erion Veliaj dhe Vjollca Hoxha

Vjollca Hoxha nuk dinte asgjë. Në fakt SPAK-u ka një dokument nga Bullgaria që është publikuar nga CNA, i cili tregon mjaft mirë pagesat që janë bërë për Vjollca Hoxhën, blerjen e "Lori Caffe", hapjen e ortakërive të Vjollca Hoxhës me Stela Gugalljën etj. (lexo këtu)

FAKTET/ Vjollca Hoxha si Erion Veliaj
Kontrata e shitjes së "Lori Caffe"
FAKTET/ Vjollca Hoxha si Erion Veliaj

Ndaj dhe jemi përballë të njëjtit rast. Erion Veliaj nuk dinte asgjë për drejtorët e tij hajdutë të "5D"-së dhe për inceneratorët, ashtu sikundër Vjollca Hoxha nuk dinte asgjë për këto çështje, por fajin e ka Endrit Habilaj. (lexo këtu)

Habilaj mund të ketë qenë një mekanizëm i vogël, por nuk i thotë askujt asgjë. Përgjëgjësinë e tij penale SPAK-u e ka çuar në gjykatë, do të zbardhet vendimi dhe të gjithë do ta mësojnë, por ai është mekanizmi më i vogël i një strukture të madhe korrupsioni dhe krimi që median kryesore të financuar kishte "Top Channel". (lexo këtu)

Për çfarë duhet ta financonte një kompani monopol Vjollca Hoxhën?

Për çfarë duhet të bënin marrëveshje me Bashkinë e Tiranës, me drejtorët e Erion Veliajt, pa dijeninë e këtij të fundit, si është çështja e dherave, apo si rasti ku inaugurohej një kopsht, pronarët e inceneratorëve, Mirel Mërtiri dhe Klodian Zoto, nuk dinin asgjë dhe Erion Veliaj e reklamonte. (lexo këtu)

Ka edhe shumë fakte të tjera që tregojnë se Erion Veliaj nuk dinte asgjë se çfarë po ndodhte në Tiranë, ishte kot, ashtu si Vjollca Hoxha nuk na paska asnjë përgjegjësi për atë që ka ndodhur në "Top Channel".(lexo këtu)

Por faji qenka i një drejtori që në fakt ka qenë mentori, "truri" mediatik i inceneratorëve, të cilin Mirel Mërtiri nuk e shpiku, nuk e krijoi vetë, e gjeti në "Top Channel" dhe e shfrytëzoi po në "Top Channel" për interesa të aferave të tij në ortakëri me Vjollca Hoxhën. (lexo këtu)

"Top Channel" është i Vjollca Hoxhës, i Lori Hoxhës, nuk është i Endrit Habilajt, edhe pse dikush mund të na thotë se ato nuk dinin asgjë, ashtu siç na thotë Erion Veliaj se nuk e dinte se çfarë bënin drejtorët e tij hajdutë, por faktet dhe dokumentet flasin të kundërtën dhe hetimet vazhdojnë./CNA 

 





18:03 Opinione Arsen Rusta

Për Doktorin!

Politikanin ose më saktë Universitetin Politik, ja ash...

11:59 Opinione Grigels Muçollari

Sot është radha jote

Ftesa për të qenë sot në protestë është sa universale, aq ...

Lajmet e fundit nga