web counter
LEXO PA REKLAMA!

SHKARKO APP

App Store
Google Play

Tjetër padi në SPAK për Carlo Bollinon

16 Janar 2024, 21:47, Denoncim CNA
Tjetër padi në SPAK për Carlo Bollinon
Carlo Bollino

Një tjetër padi po përgatitet për Carlo Bollinon, pas kallëzimit për përfitimin e pronës shtetërore tek “ish-reparti i Orëve”.

Këtë fakt e ka bërë të ditur anëtari i Kryesisë së PD-së, Belind Këlliçi në emisionin e Adi Krastës.

Këlliçi tha se kallëzimi penal po përgatitet nga 10 deputetë të Partisë Demokratike.

Ai zbuloi se kallëzimi ka të bëjë me përfitimin e paligjshëm të fondeve nga buxheti i shtetit gjatë periudhës 2019-2021.

Sipas tij, në këtë periudhë Bollino ka marrë të paktën 1 miliard lekë nga paratë e taksapaguesve shqiptarë.

“Po përgatitet një kallëzim tjetër këtë javë ndaj këtij pronari medieje (Carlo Bollinos) nga të paktën 10 deputetë të Partisë Demokratike për përfitim të fondeve në mënyrë të paligjshme, për para nga Buxheti i Shtetit.

Gjatë periudhës 2019-2021 ka marrë të paktën 1 miliard lekë nga paratë e taksapaguesve shqiptarë, pronar i kësaj medie që merr këto para, ndërton këtë media dhe nga mëngjesi në darkë godet opozitën. Pra ky është një rast ekzemplar i ngritjes së një medie nga hiçi nga qeveria për t’i shërbyer qeverisë me probleme ligjore, me shkelje të ligjit, me falsifikim të dokumenteve”, theksoi Këlliçi./ CNA





Lajmet e fundit nga