web counter
LEXO PA REKLAMA!

SHKARKO APP

App Store
Google Play

E fundit!

x

Si janë mashtruar konsumatorët e Kosovës për mishin e Brazilit?/ Si futet në Shqipëri

15 Maj 2026, 11:36, Denoncim CNA
Si janë mashtruar konsumatorët e Kosovës për mishin e
Foto ilustruese

Qendra Alert ka ngritur alarmin për mishin nga Brazili që futet në Kosovë nga stabilimente që nuk janë miratuar nga Bashkimi Europian, duke cenuar sigurinë ushqimore dhe duke vënë në rrezik jetën e konsumatorëve.

Sipas Qendrës Alert, konsumatorët janë mashtruar ndër vite nga AUV, që deklaron vazhdimisht se mishi vjen nga stabilimente të miratuara nga BE-ja.

Qendra Alert ka theksuar se, në Shqipëri vijnë nëpërmjet Kosovës qindra tonë mish, sallame, suxhuk, qofte e pleskavica të bëra me mish me origjinë nga Brazili.

Edhe pse Shqipëria nuk e lejon importin e mishit nga Brazili nga stabilimente që nuk janë të certifikuara nga BE-ja, siguria ushqimore thyhet nga mishi që importohet në Shqipëri nëpërmjet Kosovës, me dokumente të ndryshuara, duke e ofruar si produkt “Made in Kosova”. Por në të vërtetë, origjina është Brazili.

“Mishi i Brazilit futet në Kosovë nga stabilimente që nuk janë miratuar nga BE, duke u cënuar rëndë siguria ushqimore, shëndeti i konsumatorëve, të cilët janë mashtruar ndër vite nga AUV, që deklaronte rregullisht se mishi vjen nga të miratuara nga BE. Por, çfarë ndodh në realitet? AUV pranon, se nuk ka legjislacion që e ndalon importin nga stabilimente të pamiratuara. Me miliona kilogramë mish gjedhi futen ço vit në Kosovë nga stabilimente që nuk janë të miratuara nga BE.

Ndërkohë, në Shqipëri vijnë përmërmjet Kosovës qindra ton mish, sallame suxhuk, qofte e pleskavica të bëra me mishi me origjinë nga Brazili. Edhe pse Shqipëria nuk e lejon importin e mishit nga Brazili nga stabilimente që nuk janë të certifikuara nga BE, siguria ushqimore 'thyhet' nga mishi që importohet në Shqipëri nëpërmjet Kosovës, me dokumente të ndryshuara, duke e ofruar si produkt 'Made in Kosova'… Por në të vërtetë, origjina është Brazili. Qendra ALERT ka humlumtuar për afro 3 muaj.

Dokumente, komunikime, e-maile, statistika, të dhëna zyrtare nga institucionet… Të gjithë skandalin me mishin e Brazilit në Kosovë, ndiqeni sonte në orën 21.00 në Emisioni ALERT, në TV Ora News, në platformat digjitale në Shqipëri e jovetëm, por dhe në Kosovë nëpërmjet platformës ArtMotion, kanali 188”, thuhet në denoncim./ CNA





Lajmet e fundit nga