Çfarë fshehu PD nga marrja peng e selisë në Korçë?

5 Maj 2026, 13:15, Denoncim CNA

Në redaksinë e CNA-së ka ardhur një denoncim i gjatë në lidhje me zgjedhjet e anuluara të dielën në degën e PD-së në Korçë.

Situata duket të ketë qenë edhe më problematike sesa u raportua në media dhe bëhet fjalë për pengmarrjen e PD-së dhe rrethimin e selisë me persona me precedentë penalë, narkomanë dhe njerëz të botës së krimit. CNA po publikon të plotë denoncimin, të cilin ia ka drejtuar me pyetje edhe drejtuesit të PD-së në Qarkun e Korçës, Ivi Kaso.

Njerëzit e Salianjit dhe Krekës prishën procesin zgjedhor/ Shtyhet votimi për kreun e PD-së në Korçë
3 Maj, 14:55

Më datën 3 maj, ditën e diel, në Korçë, ishin paralajmëruar zgjedhjet e degës së Partisë Demokratike. Megjithëse kryetari kishte vetëm dy vjet që ishte zgjedhur, dega e PD-së në Korçë u fut në proces zgjedhor për shkak të rezultatit të dobët të vitit 2025. Disa emra shpallën kandidaturën dhe në Korçë prej javësh filloi një konflikt i neveritshëm. Me mbështetjen e Ervin Salianjit, i dënuar si mashtrues nga gjykata, “Babalja” i famshëm, doli kandidati Bravaldi Xhafka. Ky i fundit u mbështet edhe nga deputeti Fidel Kreka.

Në momentin e vendosjes zyrtarisht të kandidaturave nga kryesia e PD-së në qendër, emri i Bravaldi Xhafkës nuk u soll si kandidaturë në Korçë. Në këtë moment, Salianji, Xhafka dhe Kreka filluan një sulm të pështirë, duke mos pranuar faktin që kandidatura e Bravaldi Xhafkës ishte njeriu i Ervin Salianjit dhe që ishte keqpërdorur në situata të ndryshme. Kandidati që nuk u lejua të ishte zyrtarisht në garë i fryu një përçarjeje të ndyrë fetare, duke pretenduar se nuk u la kandidaturë se ishte mysliman.

Kriminale/ Salianji ndez ndarjen fetare në Korçë
24 Prill, 10:43

Gjëja më e neveritshme, më e pështirë dhe më e ndyrë e fryrë ndonjëherë në PD-në e Korçës. Në rast se një i ri 32-vjeçar e bën nga mendja e tij ka kohë dhe ta korrigjojë, por në rast se keqpërdoret nga “Babalja”, pra Salianji, për inatet e tij dhe paaftësinë e tij për të qenë pjesë e PD-së, pasi u dënua si mashtrues, u keqpërdor dhe u hodh si leckë nga politika, është edhe më keq për një njeri si Bravaldi.

E vërteta pse nuk kandidoi në Korçë kandidati i “Babales”
24 Prill, 13:41

Pas qëndrimit të tij publik, të dielën në Korçë u lanë dy kandidatura: ajo e Irvin Bodes dhe Harito Zotos. Kandidatura e dytë sërish me mbështetjen e deputetit Fidel Kreka dhe “i dalë nga sqetulla” e Ervin Salianjit. Në fakt, pjesa më e neveritshme e asaj gare ishin sulmet dhe nxitja e një fryme përçarjeje fetare, por u duk se u tejkalua.

Megjithëse, në fakt, situata u rëndua edhe më tej. Ditën e zgjedhjeve, në momentin që listat u hapën dhe shkuan të votonin anëtarët e Partisë Demokratike dhe drejtuesit e strukturave, filluan një pas një incidentet. Selia e Partisë Demokratike në Korçë u rrethua nga banditë dhe kriminelë, shpërndarës droge, përdorues kokaine dhe lëndësh narkotike, individë me precedentë penalë të policisë mësynë brenda dhe qëndronin në krah të deputetit Fidel Kreka. Enturazhi i tij prej 5 apo 10 vetash bllokoi zgjedhjet me pretendimin se disa prej emrave mungonin në listë.

Gara për kreun e PD-së në Korçë/ Ndërpritet votimi, përplasje për listat e votuesve
3 Maj, 08:47

Në fakt, kudo ka pasur një zgjidhje dhe listat kanë shpesh probleme. Ata emra të cilët mungojnë mund të shkruhen në një procesverbal, merret një vendim i dytë dhe mund të votojnë më vonë. Jo çdo njeri që nuk e gjen emrin në listë shkon dhe voton. Në rast se ka zgjedhje parlamentare dhe s’ka emrin në listë, ku shkon, ku voton? Se ka ndodhur në Shqipëri. Nuk prishet procesi, nuk shkatërrohen zgjedhjet, sidomos brenda forcës tënde politike.

Të bësh atë që bëri Fidel Kreka dhe banditët e tij, të kamufluar me petkun e militantit të PD-së, është t'i shërbesh kundërshtarit, t'i shërbesh Niko Peleshit, t'i shërbesh Partisë Socialiste, asgjë më shumë se kaq.

Lajmi në të gjitha mediat ishte se PD nuk kishte lista, pa folur pastaj për videot me zhurmë, me sharje, ku individët silleshin si të çmendur, ku pjesë të grupeve kriminale qëndronin te selia e PD-së së Korçës.

Shpërndarës kokaine dhe droge, njerëz të skeduar nga policia, siç e përmendëm dhe më lart, persona me precedentë penalë shkuan dhe morën peng selinë e PD-së. Ivi Kaso nuk pati kurajën ta theksonte këtë, kërkoi të menaxhonte situatën, nuk mundi dot.

Zgjedhjet në Korçë u shtynë, u anuluan, sepse atje u dëgjua një zë gjatë konflikteve që thoshte: “nuk lejojmë më ta merrni ju PD-në e Korçës, ne do të bëjmë siç duam ne”. Kush janë këta që bëjnë siç duan ata? A mundet një grup banditësh të keqpërdorur nga Niko Peleshi, ushtarë të bindur të Ervin Salianjit, të marrin peng Partinë Demokratike në Korçë?

Mbështetës të Salianjit dhe zyrtarë të Niko Peleshit tentojnë të prishin zgjedhjet e PD-së në Korçë
3 Maj, 13:34

Më keq akoma, të nxisin një përçarje fetare. Pasi nuk mundën dot të jenë pjesë e garave, i frynë një zjarri të neveritshëm. Janë gati të bëjnë çdo lloj veprimi, kërcënimi, kanosjeje... Për ata që nuk e dinë, komisioni i zgjedhjeve në PD-në e Korçës ishte i kërcënuar, ishte i kanosur, edhe pse Ivi Kaso nuk ka kurajë ta thotë apo të përmendë emrat e banditëve, të dalë në një konferencë shtypi dhe t’i denoncojë.

Kush janë kriminelët dhe banditët që qëndrojnë pas Fidel Krekës? I di gjithë Korça.

Kush janë kriminelët dhe banditët që mbështeten Ervin Salianjin?

Kush janë këta persona me precedentë penalë që shkatërruan zgjedhjet në Partinë Demokratike për interesat e Ervin Salianjit, për interesat e Fidel Krekës dhe në finale për interesat e Niko Peleshit?

I di gjithë Korça. Vetë kini kurajo e publikojeni këtë denoncim.

PD-në në Korçë e mori peng një grup kriminelësh, persona që i udhëhiqte Fidel Kreka, deputet i Partisë Demokratike. Dhe kur opozita, Partia Demokratike, nuk ka kurajë të denoncojë llumin që e uzurpon sot, nesër nuk do të mundet kurrë të vijë në pushtet, ose do të jetë më keq se partia që qeveris vendin, që demokratët sot e akuzojnë për lidhje me krimin. Çfarë ishin ata që morën peng Partinë Demokratike në Korçë?!

Megjithëse nuk u denoncuan në polici, as më shumë as më pak, një grup i strukturuar kriminal, drogaxhinj, persona me precedentë penalë që udhëhiqeshin nga deputeti Fidel Kreka, me të cilin, në fakt, PD-ja duhet të përballet ose për ta ndarë nga krimi dhe bandat që të shpëtojë Partia Demokratike, ose duhet të zgjedhë të bashkëjetojë me këtë individ që fitoi deputet si pjesë e listave të hapura, por që nuk është gjë tjetër thjesht dhe vetëm një injorant, i paaftë e një analfabet më shumë në Parlamentin shqiptar, që përdor të tillë individë dhe kërkon të marrë peng Partinë Demokratike në Korçë.

Larg skemave dhe intrigave nuk qëndron dhe deputetja tjetër Ledina Alolli, e cila në këtë rast “hedh gurin dhe fsheh dorën” duke u bërë pjesë e pengmarrësve dhe banditëve që bllokuan zgjedhjet në PD-në e Korçës, theksohet në denoncimin e ardhur në redaksinë e CNA.