LEXO PA REKLAMA!

SHKARKO APP

E fundit!

x

Bashkia Tiranë, 50 milionë lekë "Top Medias" për emision muzikor

9 Mars 2023, 13:10, Denoncim CNA
Bashkia Tiranë, 50 milionë lekë "Top Medias" për
Foto ilustruese

Qindra miliona lekë për emisione dhe miliona euro për mediat, ku shumë prej programeve të tyre paguhen nëpërmjet financimeve që jepen nga ministri, drejtori të ndryshme apo dhe bashkitë.

Justifikimi si gjithmonë janë projekte, emisione. CNA.al po sjell një investigim të plotë në lidhje me fondet e marra nga shumica e mediave në Shqipëri, nga institucionet dhe entet publike. Nga gjithçka që paguhet nga paratë e taksave të shqiptarëve.

Dje, CNA.al publikoi se si “Top Channel” kishte marrë një thes me para nga AIDA nëpërmjet ministres Edona Bilali. Thjesht dhe vetëm për disa emisione për “start up”-e ku reklamohej zonja ministre dhe milionat shkonin për llogari të “Top Channel”.

Sot po sjellim një tjetër dokument ekskluziv të nxjerrë nga thesari i shtetit, i cili tregon se për disa puntata në “Top Albania Radio”, e cila është pjesë e “Top Mediave” ku është pjesë edhe “Top Channel”.

Ledion Liço për emisionin e tij rreth 50 milionë lekë nga Bashkia e Tiranës. Dokumenti tregon qartë pagesën e dhënë për këtë emision.

Bashkia Tiranë, 50 milionë lekë "Top Medias" për

“A night live”, paguar nga Bashkia e Tiranës për “Top Albania Radio”.

Bashkia Tiranë, 50 milionë lekë "Top Medias" për

Pagesa ka kaluar kuptohet për pronarët e “Top Medias”, të cilët janë ortakët njerzve të  aferës korruptive të inceneratorëve, kompani, të cilat janë përfshirë në hetim nga SPAK-u, pronarët e tyre janë të shpallur në kërkim, ndërsa “Top Media” ka marrë miliona euro nga paratë e taksapaguesve shqiptarë për inceneratorë që nuk punojnë apo nuk ekzistojnë.

Nga ana tjetër tashmë po del se edhe qeveria shqiptare, struktura të ndryshme të shtetit e kanë paguar “Top Channel”-in, Top Albanian me thasë me para.

Rasti i Ledion Liços është jo i vetëm, ky i fundit është kunati i Lori Hoxhës, burri i Sara Hoxhës, dhëndri i Vjollca Hoxhës, të tre këta persona kanë qenë të përfshirë në ortakëri me pronarët e inceneratorëve nëpërmjet “Valtelina Caffe” apo në kompani të tjera ku Vjollca Hoxha rezulton në ortakëri me Stela Gugallen, Mirel Mërtirin dhe Klodian Zoton.

CNA.al do të vazhdojë të publikojë ditë pas dite dokumente të nxjerra nga institucionet shtetërore, të cilat tregojnë se si mediat, televizionet, paguhen me thasë me para për të bërë projekte, emisione si ai i “Start up”-eve në “Top Channel” apo një emision darke të regjistruar nga Ledioni, i cili në finale, paguhet nga taksat e shqiptarëve.

Nga ana tjetër mjafton të shikojmë se çfarë ndodh me ekranin e “Top Channel” dhe propagandën e tij të shfrenuar për Erion Veliajn, për të kuptuar se cili ka qenë qëllimi pse institucionet publike paguajnë para në media, e cila më pas për shkak të bashkëpunimit në këto projekte e shpërblen politikisht gjithçka duke bërë propagandë pro institucioneve qeveritare./ CNA.al

 

Lajmet e fundit nga