LEXO PA REKLAMA!

SHKARKO APP

App Store
Google Play

E fundit!

x

Stop/ Egjiptiani merr shtetësinë shqiptare, por dekreti ka mbiemrin gabim

7 Mars 2023, 22:50, Denoncim CNA

Stop/ Egjiptiani merr shtetësinë shqiptare, por dekreti ka mbiemrin

Behije Sulejmani tregon se është e martuar me një shtetas egjiptian, i cili ka kërkuar shtetësinë shqiptare. Por në dekret është bërë një gabim tek mbiemri, është shkruar Abdalla, kur ai e ka Abdallah. Kjo është ankesa e qytetares në emisionin Stop në Tv Klan.

Behija thotë se ky gabim ka ardhur nga një pasaportë e fundit, që ai ka patur nga vendi i origjinës, pasi është bërë aty gabimi. Prej gati dy vitesh nuk po merr dot një përgjigje, edhe pse ka dorëzuar dokumentet, që vërtetojnë se bëhet fjalë për të njëjtin person.

“Unë jam e martuar prej 10 vitesh me një shtetas egjiptian. Bashkëshorti po bën gati prej 2 vitesh që ka aplikuar për shtetësi shqiptare, i është aprovuar, po bën gati 1 vit e gjysmë, por në këtë dekret ka një gabim. Problemi qëndron te mbiemri i bashkëshortit se është Abdallah, ndërsa në dekret është shkruar Abdalla pa “H-në” e fundit. Unë kam qenë te Presidenti për të kërkuar një ndihmë, një zgjidhje të këtij problemi. Po bëj gati 1 vit e gjysmë që kam bërë 8 kërkesa, 6 nga ana ime dhe 2 me anë të avokatit. Përgjigjia është po e njëjtë që duhet të sillni disa dokumente nga vendi i origjinës. I kam dërguar 4 dokumente nga vendi i origjinës që tregojnë se mbiemri është Abdallah. Kam marrë dhe një dokument që vërteton se është i njëjti person. Po nuk kam asnjë përgjigje nga Presidenca, nuk del njeri që të të presi. Kam qenë në Ministrinë e Brendshme, kam qenë tek zyra e Gjendjes Civile Nr.9. Edhe aty më thonë që duhet të bëhet korrigjimi i dekretit dhe pastaj të bëhet regjistrim bashkëshorti. Ndërkohë që bashkëshorti po bën 1 vit e gjysmë pa letërnjoftim. Nga ky gabim, bashkëshorti nuk po regjistrohet dot në Gjendjen Civile që të përfitojë shtetësinë shqiptare. Është pë asnjë letërnjoftim, pa pasaportë, s’ka asgjë”, thotë Behije Sulejmani.

Gazetarja e “Stop” u interesua dhe mësoi se Presidenca për të bërë ndryshimin e dekretit, duhet që të ketë dokumentet origjinale nga Ministria e Brendshme dhe nga vendi i origjinës.

Por deri tani i kanë shkuar vetëm fotokopje. Ministria nga ana tjetër thotë se ka dërguar dokumentet origjinale. Kur kjo të ndodhë do të marrë zgjidhje edhe problemi i bashkëshortit të zonjës Behije Sulejmani./ tvklan.al

Lajmet e fundit nga