LEXO PA REKLAMA!

SHKARKO APP

“S’pyes për njeri”/ Ndërtuesi përjashton trashëgimtaren në mes të Tiranës

8 Mars 2023, 21:59, Denoncim CNA

“S’pyes për njeri”/ Ndërtuesi përjashton

Pronësia mbi truallin ku po ndërtohet një pallat në Rrugën e Dibrës në Tiranë është çështja që shqyrton emisioni Stop në Tv Klan. Është rasti i zonjës Hava Agollari.

Ajo tregon se si trashëgimtare e nënës së saj Hanke Çelbeqiri, duhet të ishte lidhur kontratë mes saj dhe ndërtuesit për pallatin që po bëhet në këtë pronë.

Por daja i saj dhe ndërtuesi kanë bërë manipulime, duke e përjashtuar nga trashëgimia. 

“Nëna ime vjen nga martesa e parë e gjyshit tim dhe plus kësaj nga martesa e dytë rrjedhin 4 të tjerë. Ndërkohë që ndërtuesi ka filluar të ndërtojë pallatin këtu, ne nuk na ka njoftuar për ndërtimin e pallatit. Duke qenë nëna ime që ishte pjesëtare dhe ne kemi bërë çelje trashëgimie dhe ne 4 motra që jemi pjesëtare sepse nëna e ka trashëguar tek ne motrat, jemi pjesëtarë në këtë pallat, nuk kemi marrë asnjë lloj dijenie. Morëm dhe kartelën e pronësisë. Me këtë kartelë pronësie iu drejtuam ndërtuesit Zaim Korsit dhe më tha që nuk të njoh, s’dua t’ia di kush je ti. Daja im ka qenë shkaktari se pjesën time, siç thotë ai, ta ka marrë daja jot dhe ti mund ta zgjidhën me dajën tënd. Ndërkohë, në radhë të parë mua pronën ma ka vjedhur Zaim Korsi sepse siç ka marrë aprovimin nga gjithë të tjerët, duhet ta merrte edhe nga unë”, thotë denoncuesja Hava Agollari.

Stop iu drejtua firmës së ndërtimit “Diamond shpk” me administrator Zaim Korsi, por ky i fundit thotë se Havaja e ka dhuruar pronën, edhe pse dhurimi nuk është pasqyruar në Kadastër.

Gazetarja: Te ne është drejtuar Hava Agollari, në lidhje me një pallat, që po ndërtoni te “Farmacia 10”

Administratori Zaim Korsi: S’është pronare ajo, s’e ka kurkund emrin. 

Gazetarja: Ju keni dorëzuar në Bashki kontratat e sipërmarrjes apo jo?

Gazetarja: Dhe në kontratat e sipërmarrjes citohet dhe emri i nënës së saj, sepse ajo është trashëgimtare e Hanes. 

Administratori Zaim Korsi: Ajo ia ka dhururar pronën tjetrit. 

Gazetarja: Çfarë dokumneti ka për këtë dhurimin?

Administratori Zaim Korsi: Me dokument te noteri. Ka ardhë bashkë me motrën dhe ia kam tregu, që ia ke dhënë vetë ti dajës tënd, ça të bëj unë?!

Gazetarja: Po si ka mundësi, që ky dhurim nuk është pasqyruar në Kadastër?

Administratori Zaim Korsi: Nuk e di, a është i pasqyruar, unë s’kam lidhje fare me atë. Unë kam kontratë vetëm me Muharrem Tarexhepi, me kërkënd tjetër. 

Gazetarja: E çuditshme, sepse në hipotekë figurojnë…

Administratori Zaim Korsi: Mund të figurojnë në Hipotekë po ka kontratën te Noteri, deklarimin, që ka bë. 

Gazetarja: I bie, që kontrata nuk është…

Administratori Zaim Korsi: Nuk është regjistru, s’do të thotë gjë.

Gazetarja: Ashtu siç edhe  leja juaj zhvillimore, nuk është regjistruat në Kadastër. 

Administratori Zaim Korsi: S’e kam regjistruar vetë.

Administratori Zaim Korsi: Pse duhet ta dish ti? 

Gazetarja: Pse duhet ta di unë?

Ana pozitive në këtë histori është se zonja dhe motrat janë në kartelën e pronës dhe kur ndërtuesi të regjistrojë lejen zhvillimore, duhet të cçojë dhe marrëveshjet me pronarët që janë në kartelë, pasi bashkëpunëtori i tij dhe daja i Havasë, Muharrem Tarexhepi, ka ndërruar jetë./ tvklan

Lajmet e fundit nga