web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Gjysmë e vërteta e Kryemadhit dhe korrupsioni i LSI-së

5 Korrik 2022, 13:43, Denoncim CNA

Afera e inceneratorëve/ Gjysmë e vërteta e Kryemadhit dhe

Pas ardhjes së Rilindjes në pushtet, u firmosën tre kontrata koncesionare për tre inceneratorë, 22 milionë euro në Elbasan, 28 milionë euro në Fier dhe 128 milionë euro në Tiranë.

Qeveria shqiptare ka dhënë 50 milionë euro për inceneratorin e Fierit dhe Elbasanit, si dhe janë bërë 4 transferta të pakushtëzuara për inceneratorin e Tiranës, që për 4 vite janë 40 milionë dollarë.

Por, ndërkohë një ditë më parë, një tjetër denoncim është bërë nga kryetarja e LSI-së, Monika Kryemadhi, e cila deklaroi se një zinxhir kompanish, kanë bashkëvepruar me kompanitë e inceneratorëve, sipas saj duke shkaktuar një evasion fiskal në total 189 milionë dollarë.

Sipas Kryemadhit, bëhet fjalë për 24 kompani, që faturojnë fatura fiktive dhe më pas këto kompani iu shiten personave të tretë, të panjohur, me qëllimin për të humbur gjurmët.

Kryemadhi u ndal tek një kompani, e cila sipas saj u është shitur një çifti të moshuarish.

Bëhet fjalë pikërisht për dy të moshuarit, me emrat Thanas Çani dhe Haxhire Gurakuqi, për të cilët Kryemadhi tha se kanë blerë biznese 30 milionë dollarë.

Sot Kryemadhi doli sërish në deklaratë për mediat, ndërsa tha se “Sapo u ndava me djalin e Thanas Çanit, bëra një bisedë, dhe jo vetëm që nuk kanë firmosur një kontratë të tillë, por më 2019 janë thirrur nga krimi ekonomik për një faturë rreth 30 milionë dollarë, që është quajtur evazion fiskal. Zotëria më bëri të ditur që ky është akti i regjistrimit, në emër të Thanas Çanit, i regjistruar më 8 korrik të 2019 dhe është administrator deri më 2024. Edhe pse krimi ekonomik e ka thirrur dhe ka marrë dijeni që zotëria nuk kishte dijeni për çëshjen, nuk është njoftuar që ishte administrator i kësaj firme, nuk i kanë bërë të ditur asgjë”.

Faktet që “rrëzojnë” Kryemadhin

Që koncesioni i inceneratorëve është një skemë korruptive, kjo tashmë nuk ka dyshim, por në deklaratën e Kryemadhit ka një gjysmë të vërtetë, që mesa duket po kërkon të rrëzojë të vërtetat në lidhje me inceneratorët.

Së pari, nuk ekziston dhe nuk ka mundësi të ekzistojë një transfertë prej 30 milionë dollarë, sikurse pretendon Kryemadhi.

LSI duhet të qartësojë nëse kjo faturë është transaksion, evazion apo kalim me llogaritë bankare të kompanive të pensionistëve

Nuk po bëjmë avokatinë e inceneratorëve, kur në fakt CNA.al ka publikuar një dosje të plotë investigative në lidhje me këtë aferë, por nuk heshtim kur politika abuzon. Apo segmente të caktuara, të paguara nga inceneratorët, kërkojnë të gjejnë alibinë e tyre.

Koncesioni i inceneratorëve është firmosur gjatë bashkëqeverisjes PS-LSI. Dhe personat e vënë në pranga janë produkte të LSI-së.

Afera e inceneratorëve/ Gjysmë e vërteta e Kryemadhit dhe

Dhe fakti është se kompanitë e inceneratorëve nuk kanë marrë kurrë një shumë të tillë që pretendon LSI-ja, nëpërmjet një transferte të vetme.

Është e vërtetë që ekzistojnë kompanitë zinxhir, kjo është e provuar me dokumente, po ashtu ekzistojnë edhe fatura false, fiktive.

Por, faturë 30 milionë dollarësh dhe sidomos pretendimi i djeshëm i Kryemadhit, për Nënë Haxhiren është një gënjeshtër.

Në denoncimin e LSI-së, ka një të vërtetë. Është hapur një kompani, ekzistojnë dhe faturat fiktive, që janë pjesë e skemës por shifrat 30 milionë dollarë janë fake news alla LSI që ndoshta krijohen për frymën e protestës, por që në fakt shkatërrojnë kauzën e inceneratorëve.

Nuk mund të gënjesh, drejtësia do hetojë.

Pra kur në 7 vite kanë marrë 40 milionë dollarë inceneratori i Tiranës, dhe 50 milionë euro inceneratori i Fierit dhe Elbasanit, në asnjë rast nuk ka një transfertë të vetme 30 milionë dollarë.

Një shumë e tillë nuk kalon dot në Thesar, nuk ka kaluar kurrë dhe s'mund të kalojë.

Afera e inceneratorëve/ Gjysmë e vërteta e Kryemadhit dhe

Skema me kompanitë e treta, abuzimet me TVSH-në, qëndrojnë në mënyrë të padiskutueshme.

Inceneratori i Elbasanit është firmosur në 2014 dhe pagesa fillon në korrik të 2015-ës.

Inceneratori i Fieri, kontrata është firmosur në 2016-ën dhe pagesa ka filluar me këste.

Po ashtu edhe në Tiranë, kontrata është firmosur në 2017 dhe pagesa me këste ka filluar në 2018.

Nuk ka një pagesë totale, 30 milionë euro.

Janë para të marra pjesë-pjesë e shpërndara pjesë-pjesë

Abuzimi, deri sot që flasim është dhjetëra milionë euro dhe kjo është e provuar por jo në këtë skemë që e paraqesin.

Por shifrat me 30 milionë dollarë dhe skenarë të përsëritur duke abuzuar, krijojnë fake news në vetvete, që do të thotë një abuzim që shemb të vërtetën dhe krijon një gjysmë të vërtetë.

Të tilla qasje apo qëndrime të bëra nga parti politike që kanë marrë para nga inceneratorët apo kanë blerë vota nga paratë e inceneratorëve duke ngritur të gjysmë të vërteta, në fakt shembin të vërtetën e madhe të aferës së inceneratorëve dhe ngrejnë një fake news./CNA.al

 





Lajmet e fundit nga