Gjykata vendos kthimin e mjetit, OPGJ nuk e zbaton e fyen qytetarin

29 Qershor 2022, 21:13, Denoncim CNA

Gjykata vendos kthimin e mjetit, OPGJ nuk e zbaton e fyen qytetarin

Foto, emisioni "Stop"

Françesko Zylalaj që jeton në Ballsh është dënuar për drejtim mjeti në mënyrë të parregullt. Para dy vitesh ai mori rastësisht në mjetin e tij "Volswagen" në Ballsh një person. Policia gjen drogë në mjet. Personi tjetër është dënuar me burg, Françesko me shërbim prove. Atij duhet t’i kthehen sendet e gjetura në mjet bashkë me mjetin. Por oficeri i policisë gjyqësore të prokurorisë së Fierit, Çlirim Myzaferaj nuk po ia kthen mjetin.

Denoncuesi: Ju kam thirrur se kam një problem me OPGJ-në, me kthimin e sendeve, më është bllokuar makina para 2 vjetësh. Kur kam qenë në fshat nga tokat po kthehesha në shtëpi dhe kam marrë një person, të cilin e njoh si fytyrë, por nuk e kam shok. Gjatë kontrollit është gjetur një sasi lëndësh narkotike, e cila i përkiste Saimir Bregasit që ishte me mua në makinë. Jam akuzuar për drejtim mjeti në gjendje jo të rregullt dhe kam marrë 1 vit detyrim paraqitjeje dhe më është bllokuar dhe makina. Unë dua që të më kthehet mjeti sepse unë mjetin e përdor për arsyet e mia shëndetësore. Kam probleme të theksuara.

Avokati i shtetit i thotë se po e mbron se po zihet me OPGJ Myzaferaj për çështjen e tij.

Gazetari: Ndjesë për shqetësimin. Jam gazetar i emisionit “Stop” në "TV Klan".

Avokati i shtetit: Po! Ça problemi kishe?

Gazetari: Desha të më orientosh me këtë rastin e djalit 23-vjeçar Françesko Zylalaj që nuk po i ktheht ende mjeti?

Avokati i shtetit: Mos më merr në telefon mua! Mbylle telefonin! Mos më merr mua në telefon! Në rregull? Mirupafshim!

Pas komunikimit me gazetarin e emisionit “Stop”, ka komunikuar dhe vëtë denoncuesi me avokatin e shtetit.

Françesko Zylalaj, denoncues: E ka emrin Nexhip Dauti.

Avokati i shtetit: S’ke pse ia jep numrin e telefonit tim personave të tjerë!

Francesko Zylalaj, denoncues: Po si pse? Pse nuk duhet ta jap? Për çfarë arsye?

Avokati i shtetit: Po të mbroj. Vajta u zura me oficerin për ty. Çfarë do që të bëj tjetër?

Avokati i shtetit: Që të më marrësh në telefon mua, duhet të marrësh një miratim nga klienti!

Gazetari: Ai ma dha mua.

Avokati i shtetit: OPGJ, ky zotëria që ka marrë detyrën këtu, i kam thënë: “Ktheja mjetin”! “Po jo, nuk ka ardhur dosja”.

I thashë: “Të lutem, ktheji mjetin, ktheja dokumentat, vazhdo procedurat”! Tani, nuk e bën. Shko, pyet atë të të sqarojë ai. I kam thënë: “Mos luaj me qytetarin, ke një urdhër ekzekutimi, vazhdo procedurën…!”

Vetë OPGJ i thotë qytetarit se është duke gjurmuar ku ndodhet pjesa e provave përveç një automjeti.

OPGj, Çlirim Myzaferaj: Unë tani jam duke gjurmuar ku ndodhet pjesa e provave përveç një automjeti, dhe në momentin që do të më vihet në dispozicion nga gjykata ose nga Drejtoria Vendore që kush e posedon atë lloj prove unë do të bëj kthimin e sendit. Po pres kthim përgjigje nga gjykata dhe nga Drejtoria Vendore. U kam bërë shkresat.Duhet të ketë… në datën 23 është me datat e mia.Urdhri i ekzekutimit ka dalë në Prill. Unë jam i prokurorisë.

Françesko Zylalaj, denoncues: Ti nuk më ke thënë, që duhet të shkoj te Drejtoria Vendore.

OPGj Çlirim Myzaferaj: I kam thënë babait.

Françesko Zylalaj, denoncues: Ti, babain tim s’e ke takuar, se ne të kemi pritur ty dhe ti nuk na ke pranuar.

Gazetari: Si je? Më duhet pak oficeri i policisë gjyqësore, z.Çlirim Myzaferaj!

Zyra e Informacionit: Andrelin, të lutem, bëj një kërkesë me shkrim tani dhe do ta protokolloj e do të të kthej përgjigje për çdo informacion!

Gazetari: Unë kërkesën me shkrim nuk do e bëj, vetëm se ju do i transmetoni Çlirimit, oficerit të policisë gjyqësore të lëvizë pak nga karrigia, mos ta ngrohë, se është edhe vapë tani! Të lëvizë dhe ta bëjë punën sic duhet oficeri, dhe të gjithë oficerët e policisë gjyqësore!/tvklan.al