Skandali i inceneratorëve/ Kryemadhi publikon të tjera fakte, thirrja për drejtësinë
5 Korrik 2022, 11:50, PolitikëCNA
Kryetarja e LSI-së, Monika Kryemadhi ka dalë sot në një konferencë për mediat, ku ka vijuar tyë bëjë denoncime të forta, në lidhje me koncesionin e inceneratorëve.
Gjatë fjalës së saj ndër të tjera Kryemadhi bëri thirrje të mbrohen dy pensionistët, të cilët pretendojnë se janë mashtruar.
Bëhet fjalë pikërisht për dy të moshuarit, me emrat Thanas Çani dhe Haxhire Gurakuqi, të cilët sipas denoncimit të LSI-së rezultojnë me pasuri marramendëse.
Po ashtu ajo tha se krimi ekonomik është vënë në dijeni të mashtrimit, por nuk ka bërë asnjë veprim.
“Dy pensionistët janë të shqetësuar. Duhet të mbrohen dhe nuk duhet të ndihen të kërcënuar.
Unë sapo isha në një takim me djalin e Thanas Çanit, dhe ata jo vetëm që nuk kanë dijeni, jo vetëm që nuk kanë firmosur një gjë të tillë. Por, në 2019 janë thirr ur nga krimi ekonomik për një faturë që është quajtur evazion fiscal.
Por, edhe pse është thirrur nga krimi ekonomik, ka marrë dijeni që zotëria nuk kishte dijeni, nuk kanë bërë asgjë, e kanë thirrur dhe është larguar.
Problemi tjetër që implikon dhe duhet të fillojë përsëri të hetohet, është që të dy kontratat e Thanas Çanit janë të pa noterizuara.
Më gjeni një biznes që regjistrohet në QKB pa kontratë të noterizuar.
Tek “Lumi 6”, janë fatura të prera rreth 1 milion dollarë për kompaninë Integrated.
Sic janë këto fatura, ka fatura pa fund të Klodian Zotos, të Integrated të cilat janë faturuar në këto 24 kompani fictive.
Nuk është thjeshtë evazion, është krim financiar, janë grabitur para të buxhetit të shtetit”-tha Monika Kryemadhi./CNA.al
