LEXO PA REKLAMA!

SHKARKO APP

Socialistët, kritika në Asamble/ Veliaj: Nuk ka asnjë konflikt mes meje dhe kryeministrit

12 Shkurt 2024, 14:56, Aktualitet CNA
Socialistët, kritika në Asamble/ Veliaj: Nuk ka asnjë konflikt
Erion Veliaj, kryebashkiaku i Tiranes

Në mbledhjen e Asamblesë me dyer të mbyllura një ditë më parë, e cila zgjati më shumë se 5 orë, ka pasur kritika ndaj kryebashkiakut Erion Veliaj, ish-ministres Olta Xhaçka, deputetit Etjen Xhafaj dhe drejtuesve të disa prej qarqeve, ku socialistët kanë shprehur pakënqësitë e tyre duke thënë se Veliaj dhe të tjerët organizojnë takime si OJQ. Sipas tyre Veliaj shmang strukturat dhe vepron si parti më vete.

Vetë kryebashkiaku ka komentuar këto detaje të dala nga mbledhja e Asamblesë. Gjatë një interviste Veliaj është shprehur se nuk ka asnjë konflikt mes tij dhe kryeministrit Edi Rama.

Ai shtoi se disa po luten që të ketë konflikte në PS por kjo sipas tij nuk ka për të ndodhur.

Ndër të tjera u shpreh se po përgatiten për betejën e radhës në zgjedhjet e vitit 2025.

“Nuk ka asnjë konflikt mes meje dhe kryeministrit. Nuk ka asnjë mungesë dakordësie mes nesh. Disa luten që të ketë konflikt në PS, por nuk ka për të ndodhur. Po përgatitemi për betejën e radhës në vitin 2025”, ka thënë ndër të tjera Veliaj./ CNA

Lajmet e fundit nga