LEXO PA REKLAMA!

SHKARKO APP

Skandal/ “Top Channel” fut në “Big Brother VIP” një person në kërkim

3 Mars 2024, 13:07, Aktualitet CNA
Skandal/ “Top Channel” fut në “Big Brother VIP”
Televizioni “Top Channel”

Një skandal është ai që ka ndodhur sot në “Top Channel”.

Policia ka arrestuar këtë të diel banorin e “Big Brother VIP 3”, Liam Osmani, një person ky për të cilin Prokuroria e Tiranës ka kërkuar 2 vjet e 6 muaj burgim.

Osmani akuzohet për përvetësimin e 17 biletave turistike për në Gjermani në vitin 2019, pa kryer pagesat, nëpërmjet mashtrimit.

Skandali nuk qëndron vetëm tek akuza e mashtrimit ndaj Liam Osmanit, por edhe te televizioni.

“Top Channel” ka bërë pjesë të formatit të tij “Big Brother VIP” dhe ka promovuar një person me precedentë penalë, një person që kërkohet nga autoritetet.

Dhe rezultati ka qenë vënia në pranga brenda shtëpisë.

Skandal/ “Top Channel” fut në “Big Brother VIP”
Liam Osmani dhe moderatori i “Big Brother VIP”, Ledion Liço

CNA ka raportuar edhe më herët se në këtë spektakël ka persona me precedentë penalë.

Burime zyrtare nga Policia e Shtetit i thanë CNA-së se edhe në “Big Brother”-in e kaluar, por dhe në këtë të tanishmin, ka persona të cilët kanë pasur probleme me ligjin, me çështje penale të ndryshme, të cilat janë zgjidhur me vendime gjykatash.

Nga ana tjetër, stafi i “Big Brother VIP” i tha CNA-së se ai është një spektakël i hapur, ku shumë individë për të shkuarën e tyre mbajnë përgjegjësi përpara ligjit dhe nuk pengohen të jenë pjesë e këtij “show”.

Arrestimi i një banori për mashtrim gjatë ditës së sotme, nuk është asgjë tjetër veçse një konfirmim për gjithçka që denoncoi CNA.

Dhe tashmë po shohim se si një televizion kombëtar fut mashtrues në “Big Brother”, bën ortakëri me inceneratorët dhe merr paratë e shqiptarëve të varfër, sulmon prokurorët e SPAK-ut, ja pra ky është “Top Channel”./ CNA

Lajmet e fundit nga