LEXO PA REKLAMA!

SHKARKO APP

Policia shkon në “Big Brother VIP”/ Arreston banorin në kërkim

3 Mars 2024, 12:52, Kronika CNA
Policia shkon në “Big Brother VIP”/ Arreston banorin në
Liam Osmani

Policia ka shkuar këtë të dielë në shtëpinë e “Big Brother VIP” dhe ka arrestuar një nga banorët, i cili rezulton si person i shpallur në kërkim.

Bëhet fjalë për Liam Osmanin, i cili u bë mbrëmë pjesë e këtij reality show.

Për 44-vjeçarin, Prokuroria e Tiranës ka kërkuar 2 vjet e 6 muaj burgim për veprën penale të "mashtrimit", në maj të 2022-shit.

Osmani, nëpërmjet mashtrimit, ka përvetësuar 17 bileta turistike për në Gjermani në vitin 2019, për të cilat nuk ka kryer pagesat përkatëse.

"Strukturat e Forcës së Posaçme për Operacionet Speciale dhe Kërkimin bënë ndalimin e shtetasit Liam Osmani, 44 vjeç, teksa ai ndodhej në shtëpinë e Big Brother Albania Vip 3.

Prokuroria e Tiranës, më datë 09.05.2022, ka dërguar urdhërin për ekzekutimin e vendimit penal të datës 23.02.2022, për dënimin e këtij shtetasi me 2 vjet e 6 muaj burgim për veprën penale "Mashtrimi".

Ky shtetas, në vitin 2019, nëpërmjet mashtrimit, ka përvetësuar 17 bileta turistike për në Gjermani, për të cilat nuk ka kryer pagesat përkatëse.

Materialet i kaluan Prokurorisë pranë Gjykatës Shkallës së Parë të Juridiksionit të Përgjithshëm Tiranë, për veprime të mëtejshme procedurale", thuhet në njoftimin e policisë.

Liam Osmani është një nga banorët e rinj të “Big Brother VIP 3”, por nuk qëndroi as 24 orë në shtëpi./ CNA

Lajmet e fundit nga