E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Tritoli në Durrës/ Zbardhet ngjarja, autori me precedentë penalë u arratis nga Shqipëria

3 Mars 2024, 12:07, Kronika CNA

Tritoli në Durrës/ Zbardhet ngjarja, autori me precedentë

Policia ka zbardhur ngjarjen e regjistruar më 26 shkurt në Durrës, ku iu vu lëndë eksplozive në banesë shtetasit I. K.

Blutë kanë identifikuar personin e dyshuar si autor të vendosjes së lëndës eksplozive.

Raportohet se është shpallur në kërkim shtetasi F. Ll., i dënuar më parë për ngjarje të tjera kriminale të ndodhura në qytetin e Durrësit.

Pas vendosjes së tritolit, ai është larguar me një automjet të marrë me qira, drejt lagjes nr. 6. Kjo është konstatuar nga kamerat në zonë.

Shpërthim i fuqishëm në një banesë
26 Shkurt, 20:07

Nga verifikimet e kryera rezulton se autori ka dalë nga Shqipëria, një ditë pas ngjarjes. Aktualisht po vijon puna intensive për kapjen e tij.

“Zbardhet ngjarja e ndodhur më datë 26.02.2024, në lagjen nr. 3, ku një shtetas i paidentifikuar vendosi lëndë eksplozive në banesën e një shtetasi.

Falë veprimeve të shpejta dhe profesionale hetimore, u bë i mundur identifikimi i shtetasit të dyshuar si autor i vendosjes së lëndës eksplozive.

Nga verifikimet e kryera rezulton se ky shtetas ka dalë nga Shqipëria, një ditë pas ngjarjes.

Detaje nga shpërthimi/ Tritoli, në shtëpinë e autorit të vrasjes së Halil Kokës
26 Shkurt, 20:26

Strukturat hetimore te Komisariatit të Policisë Durrës, pas një pune të thelluar hetimore, në drejtimin e Prokurorisë së Durrësit, bazuar në këqyrjen e kamerave dhe në inteligjencën policore, kanë bërë të mundur idemtifikimin e autorit të vënies së lëndës eksplozive në banesën në pronësi të shtetasit I. K., ku si pasojë e shërthimit pati vetëm dëme materiale.

Nga veprimet e shpejta dhe profesionale hetimore, administrimi i provave në vendngjarje, si dhe këqyrja e kamerave, dyshohet se autori është larguar me një automjet të marrë me qira, drejt lagjes nr. 6.

Në vijim të veprimeve procedurale për këtë rast, u shpall në kërkim autori i dyshuar, shtetasi F. Ll., i dënuar më parë për ngjarje të tjera kriminale të ndodhura në qytetin e Durrësit.

Vijon puna intensive për kapjen e tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Shkatërrimi i pronës me eksploziv”.”, thuhet në njoftimin e policisë./ CNA