LEXO PA REKLAMA!

SHKARKO APP

Pista e re/ Çfarë e shkaktoi shpërthimin në Lushnjë

2 Mars 2024, 12:54, Kronika CNA

Pista e re/ Çfarë e shkaktoi shpërthimin në Lushnjë

Detaje të reja kanë dalë nga shpërthimi që ndodhi një ditë më parë në Lushnjë, ku humbën jetën dy persona dhe u plagosën 7 të tjerë. 

Hetuesit kanë përjashtuar pistën e hetimit që shpërthimi të ketë ardhur si pasojë e tensionit të lartë. Nga hetimet paraprake ekspertët dyshojnë se shkak është bërë njëra nga 2 bombolat që po transportoheshin me vinç. 

Janë 2 bombola, njëra me oksigjen dhe tjetra me gaz argon, të cilat në kombinim të të dyjave përdoren për prerje dhe saldime në konstrukte metalike.

Mësohet se një grupi hetimor nga Prokuroria e Fierit, Inspektoriati Shteteror Teknik dhe Industrial, Njësia anti-eksploziv,  Policia e Lushnjës dhe inxhinierë të OShEE ndodhen në vendngjarje për zbardhjen e shkaqeve.

Babe e bir, Roland dhe Elidion Hoxha, manovratorë, ishin duke ngritur me vinç dy bombolat që do të përdoreshin për saldime në çatinë e magazinës (kapanonit).

Bilanci i shpërthimit në Lushnje
Të vdekur

Roland Hoxha
Elidion Hoxha

Të plagosurit
1- Sajmir Korreshi
2- Sokol Lumi (në gjendje të rëndë te spitali i Traumës
3- Bujar Çela (deputet i PS) në operacion te spitali i Traumës
4- Ervis Sharka
5- Lunedi Golemi
6- Ilia Sota
7-Erigjet Gorovelli/CNA 

 

Lajmet e fundit nga