LEXO PA REKLAMA!

SHKARKO APP

Verifikojmë marrëveshjen Itali-Shqipëri për prakticitetin

2 Mars 2024, 21:30, Aktualitet CNA

Verifikojmë marrëveshjen Itali-Shqipëri për prakticitetin

Vendet që ndodhen në itinerarin e Europës e respektojnë rregullat e shtetit ligjor mund të kthehen në partnerë të Gjermanisë për procedurat e azilit.

Ministrja e Brendshme gjermane, Nancy Faeser ka bërë të ditur, se po shikohet mundësia e procedurave të azilit në vende të treta, që ndodhen në itinerarin drejt Europës e plotësojnë standardet e shtetit ligjor. Në këtë kontekst shikohet nga qeveria gjermane edhe prakticiteti i marrëveshjes Itali-Shqipëri.

Në një intervistë për gazetën gjermane, "Welt am Sonntag", ministrja e Brendshme gjermane, Nancy Faeser u shpreh, se "ka ekspertë, që e shikojnë të mundur një rregullore të tillë, të tjerë thonë, se duhet ndryshuar legjislacioni për këtë. Ne po e shohim këtë me shumë kujdes. Kriter për ne janë të drejtat e njeriut, si mbrohen në juridiksionin europian dhe në kushtetutën tonë."

Si vende që mund të vijnë në konsideratë, Faeser përmend "shtetet që ndodhen në itinerarin drejt Europës dhe respektojnë rregullat e shtetit ligjor".

Ndërkohë për të përshpejtuar procedurat e azilit, ministrja e Brendshme, Faeser ka premtuar 300 milionë euro shtesë. "Zyrën Federale për Migracionin dhe Refugjatët ne e forcojmë me 1.160 punonjës shtesë", tha Faeser për gazetën gjermane./ DW

Lajmet e fundit nga