LEXO PA REKLAMA!

SHKARKO APP

Ambasadori i Ukrainës: Përshtypjet e Zelenskyt për vizitën në Shqipëri

2 Mars 2024, 19:30, Aktualitet CNA
Ambasadori i Ukrainës: Përshtypjet e Zelenskyt për vizitën
Presidenti i Ukrainës Volodymyr Zelensky

Ambasadori i Ukrainës në Shqipëri, Volodymyr Shkurov ka folur për vizitën e Presidentit Volodymyr Zelensky në Shqipëri.

Gjatë një interviste ambasadori theksoi se delegacioni ukrainës dhe Presidenti Zelensky u larguan me përshtypjet më të mira për Shqipërinë dhe mikpritjen shqiptare.

Shkurov tha se deklarata e përbashkët e samitit tregoi mbështetje për Ukrainën dhe se vendet e rajonit e kuptojnë situatën me të cilën po përballet Ukraina.

 “Deklarata e përbashkët e samitit tregon mbështetjen për Ukrainën dhe se ato e kuptojnë situatën. Presidenti Zelensky u kthye në Ukrainë i kënaqur nga vizita dhe me përshtypjet më të mira për Shqipërinë dhe mikpritjen shqiptare.

Në kuadër të vizitës ka qenë edhe takimi dy palësh dhe është nënshkruar edhe një traktat shumë i rëndësishëm për miqësinë dhe bashkëpunimin mes vendeve.

Kryesia e Shqipërisë në KS e OKB ka qenë shumë e suksesshme, nëse flasim për kontekstin ku ndodhet tani Ukraina. Në këtë mënyrë Shqipëria tregoi partneritetin dhe mbështetjen e saj ndaj Ukrainës dhe popullit që po i reziston agresionit rus. Përgjatë kësaj periudhe Shqipëria ka qenë bashkautore e shumicës së rezolutave që kanë të bëjnë me Ukrainën”, u shpreh Shkurov./ CNA

 

Lajmet e fundit nga