LEXO PA REKLAMA!

SHKARKO APP

"Më vunë bombat”/ Saimir Tahiri flet për trafikun e drogës

24 Shtator 2022, 09:36, Aktualitet CNA

"Më vunë bombat”/ Saimir Tahiri flet për trafikun e

Ish-ministri i Brendshëm, Saimir Tahiri, ka dhënë një intervistë për gazetarin italian, Nello Trocchia, në kohën që po përballej me drejtësinë.

Në një dokumentar të realizuar për trafikantët shqiptarë dhe lidhjet e tyre me politikën që do të transmetohet ditën e sotme, Tahiri ka hedhur poshtë akuzat për korrupsion.

Gjithashtu ai ka mohuar lidhjet me trafikun e drogës, duke argumentuar se ka qenë ai që i ka kërkuar Guardia di Finanza të dyfishojë mbikalimet për të monitoruar territorin.

“Po sikur të isha i korruptuar unë nuk do të vija në Itali për të kërkuar nga Guardia di Finanza të dyfishojë mbikalimet për të monitoruar territorin. U kërkova të gjitha vendeve europiane të na ndihmojnë të luftojmë trafikun e drogës”, deklaron në dokumentar Tahiri.

Sipas Tahirit, droga nuk është histori kriminelësh, por histori varfërie.

“Më vunë bombat dhe një gjë e tillë nuk ka ndodhur kurrë në Shqipëri. Marijuana nuk është histori kriminelësh, por varfërie”, shprehet më tej Tahiri.

Ndër të tjera në dokumentar, Tahiri tregon për pagat që trafikantët e drogës u garantojnë kultivuesve.

Bëhet fjalë për shifra të tilla si 5 mijë euro në vit vetëm për të rritur marijuanën në fushat e shndërruara në plantacione.

Në këtë mënyrë, trafikantët arritën të rrisin prodhimin dhe të bëhen në këtë sektor ndër eksportuesit e parë në arenën kriminale ndërkombëtare.

Në dokumentar është intervistuar edhe një nga personat që është marrë me trafikun e drogës.

 “Nëse bën një punë normale duke punuar shumë mund të fitosh deri në 300 euro në muaj, por duke qenë kriminel mund të fitosh të njëjtën shumë në një minutë. Ja pse shumë të rinj tërhiqen nga kjo jetë, gjithmonë paraja dhe pushteti”, shprehet një ish-trafikant droge./CNA.al

Lajmet e fundit nga