LEXO PA REKLAMA!

SHKARKO APP

Arrestimi i mjekut/ ‘Shpërthen’ gazetari: Infiltrohuni nëpër bandat që po na terrorizojnë

23 Shtator 2022, 21:39, Aktualitet CNA

Arrestimi i mjekut/ ‘Shpërthen’ gazetari: Infiltrohuni

Gazetari Ermal Mulosmani ka reaguar me tone të ashpra për arrestimin e zhurmshëm të mjekut Fitim Marku, që u fut në kurth nga një agjent i infiltruar.

Me anë të një statusi në rrjetet sociale, Mulosmani thotë se arrestimi demonstrativ i mjekut, me metoda terroristo-komuniste, është i neveritshëm.

Ai kërkon që agjentët të infiltrohen nëpër bandat që po terrorizojnë vendin me vrasje, rrëmbime, zhdukje dhe jo në spitale.

“Arrestimi demonstrativ i mjekut, me metoda terroristo-komuniste, është i neveritshëm. Kur e shihja atë kapuçonin e zi, 3-metrosh, që e mbante si trofe antiterrori një burrë me bluzën e mjekut, mendova se është ndonjë i infiltruar ruso-iranian që po përgatitej të hidhte në erë spitalin...

Kur lexova pak më poshtë u ligështova... Një mjek që paska marrë 2 mijë lekë, 15 Euro një 'agjenti të infiltruar'! E neveritshme deri në palcë!

Mjekët janë ata që u dorëzojmë jetën tonë në duar dhe i shohim si ëngjëj shpëtimtarë!  Para dy viteve rrezikuan jetën e tyre që të shpëtonin tonën në përballje me virusin. Tregu i huaj  i kërkon me 5000 Euro në muaj; 4000 prej tyre kanë lënë vendin nga mosvlerësimi dhe të tjerë janë në radhë për të ikur.  E si ti mbajmë ne? Duke i terrorizuar me 'agjentë të infiltruar' dhe kapuçonë të zinj 4 metroshë të maskuar si banda vrasësish?

Po ikni infiltrohuni nëpër bandat që po na terrorizojnë me vrasje, rrëmbime, zhdukje...Por ata janë pagatorët tuaj. Hipokritë!

Mjekët paguajini përpara se ti arrestoni. Nëse bëni sikur i paguani edhe ata do të bëjnë sikur shërbejnë. Medemek 'i infiltruari'...

Shkoni çoni dhe një tjetër të infiltruar nëpër motele që të kapni 'plakun qejfli' ose nëpër qendra masazhesh me emrin e koduar 'masazhi i fundit'! Debila”, shkruan gazetari./ B.A. – CNA.al

Lajmet e fundit nga