LEXO PA REKLAMA!

SHKARKO APP

E fundit!

x

Mbyllja e kolegjit “Mehmet Akif Ersoy”/ Flet avokati: Janë ndjekur të gjithë hapat ligjorë nga shkolla

23 Shtator 2022, 17:36, Aktualitet CNA
Mbyllja e kolegjit “Mehmet Akif Ersoy”/ Flet avokati: Janë
Foto ilustruese

Avokati i kolegjit 'Mehmet Akif Ersoy', Isuf Shehu, ka folur për mbylljen e kësaj shkolle dhe kopshti nga qeveria e Edi Ramës.

Gjatë një interviste për mediat, Shehu tha se ka përgatitur dosjen për mbrojtjen duke theksuar se janë ndjekur të gjithë hapat ligjorë nga ana e shkollës.

Sipas avokatit, Rama nuk i ka parë dhe nuk i ka analizuar në detaje të gjitha këto problematika.

Ne kemi përgatitur një mbrojtje të plotë për këtë problem. Të gjitha ato që thotë kryeministri Edi Rama janë të shpjeguara dhe të miratuara nga institucionet përkatëse dhe kam përshtypjen se kryeministri ndryshe nga ne nuk është në dijeni të të gjitha këtyre të dhënave. Nuk i ka parë dhe nuk i ka analizuar në detaje të gjitha këto problematika. Për atë pak rëndësi ka se mbyllet një shkollë. Për prindërit dhe nxënësit që kanë studiuar më parë në këtë shkollë kjo është një gjë shumë herë më shumë se një shkollë, është historia e tyre, është jeta e tyre, është vetëmohimi i tyre dhe në fund është ajo që ata mendojnë besojnë dhe gjykojnë.

Të gjithë hapat janë ligjorë. Shtysa se përse ka vepruar kryeministri në këtë mënyrë ne në këtë pikë nuk e identifikojmë dot. Objekti i gjithë këtij veprimi është ligjshmëria dhe kundërligjshmëria”, tha avokati./ CNA.al

 

Lajmet e fundit nga