LEXO PA REKLAMA!

SHKARKO APP

“Pas çdo vendimi kërkohet një qëllim tjetër nga i vërteti”/ Rama u kundërpërgjigjet akuzave për mbylljen e kolegjit turk

23 Shtator 2022, 14:27, Aktualitet CNA

“Pas çdo vendimi kërkohet një qëllim tjetër nga

Kryeministri Edi Rama ka reaguar pas vendimit për mbylljen e shkollës ‘Mehmet Akif’.

Duke iu kundërpërgjigjur të gjitha reagimeve që kanë ardhur nga opozita, Rama shprehet se pas çdo vendimi kërkohet një qëllim tjetër nga i vërteti dhe bombardohet publiku me lajme të rreme e me teori konspiracioni.

Sipas Ramës, të shesësh godinën ku ke lejen e aktivitetit shkollor dhe të hapësh aktivitetin diku tjetër, pa marrë lejen sipas ligjit, pa plotësuar kriteret e pa përmbushur standardet e kërkuara ligjërisht, është një shkelje për të cilën ligji parashikon heqjen e licencës.

Më tej Rama ka dënuar përdorimin e fëmijëve duke i nxjerrë në protestë.

“Pas çdo vendimi kërkohet një qëllim tjetër nga i vërteti dhe bombardohet publiku me lajme të rreme e me teori konspiracioni! S’ka asgjë të tillë dhe asnjë qëllim tjetër përveç zbatimit të barabartë të ligjit në rastin e heqjes së një licence shkolle si plot të tjera më parë.

Të shesësh godinën ku ke lejen e aktivitetit shkollor dhe të hapësh aktivitetin diku tjetër, pa marrë lejen sipas ligjit, pa plotësuar kriteret e pa përmbushur standardet e kërkuara ligjërisht, është një shkelje për të cilën ligji parashikon heqjen e licencës.

Përdorimi i fëmijëve pastaj për të fshehur fajin karshi ligjit, prindërve dhe vetë nxënësve, duke luajtur rolin e viktimës së qeverisë, kur në fakt je verifikuar jo një po dy herë në shkelje, tregon ndërgjegje të ulët në raport me misionin e lartë të një vatre edukimi’, shkruan Rama në rrjete sociale./CNA.al

Lajmet e fundit nga