LEXO PA REKLAMA!

SHKARKO APP

E fundit!

x

Rriten pagat/ Ministri i Drejtësisë jep lajmin e mirë për policinë e burgjeve

23 Shtator 2022, 13:22, Aktualitet CNA
Rriten pagat/ Ministri i Drejtësisë jep lajmin e mirë për
Foto nga takimi në Fier

Ditën e sotme u bë me dije se paga bazë e efektivëve të burgjeve do të rritet me 13 mijë e 700 lekë.

Lajmi u bë me dije nga Drejtori i Përgjithshëm i Burgjeve, Admir Abrija, i cili u shpreh se nga kjo rritje do të përfitojnë 3560 punonjës të policisë së burgjeve. 

Ministri i Drejtësisë, Ulsi Manja, ishte gjithashtu i pranishëm në këtë takim të zhvilluar në IEVP Fier, ku u shpreh se nga 1 shtatori, pagat e policisë së burgjeve janë të barazuara me ato të policisë së shtetit.


"Arsyeja e takimit në IEVP e Fierit ishte prezantimi i disa punëve të mira dhe i disa reformave që ka disa muaj që kemi ndërmarrë si Ministri e Drejtësisë me Drejtorinë e Burgjeve në të gjitha IEVP-të e vendit. Sot prezantuam reformat që i kishim premtuar që në korrik, uniformat e reja për punonjësit dhe pagat e reja për policinë e burgjeve dhe stafet e policisë së burgjeve që tashmë janë realitet dhe kanë nisur efektet financiare që nga 1 shtatori i këtij viti", tha Manja./CNA.al

Lajmet e fundit nga