web counter
LEXO PA REKLAMA!

SHKARKO APP

App Store
Google Play

E fundit!

x

Nxënësit, në protestë pas mbylljes së kolegjit/ “Po vrisni ëndrrat tona për tekat e Erdoganit”

23 Shtator 2022, 19:01, Aktualitet CNA
Nxënësit, në protestë pas mbylljes së kolegjit/
Foto ilustruese

Ditën e sotme, nxënës, prindër dhe mësues të kolegjit "Mehmet Akif Ersoy" kanë protestuar pasi qeveria ka vendosur për mbylljen e kësaj shkolle.

Sipas tyre ky është një vendim antiligjor dhe do të drejtohen te drejtësia për këtë çështje.

Vajzat e gjimnazit "Mehmet Akif", që me rezultatet e tyre në mësime e kanë renditur këtë shkollë në elitën e arsimit shqiptar, protestuan sot me pankarta e fjalime, duke dënuar ashpër vendimin e qeverisë për mbylljen e kolegjit.

Sipas tyre, pas këtij vendimi qëndrojnë kërkesat e Presidentit turk Erdogan, ndërsa shprehen se ëndrra e tyre nuk mund të ndërpriten me një firmë.

Ata u shprehen se do ta vijojnë rezistencën, teksa në duar mbanin edhe certifikata dhe medalje për rezultate të larta në mësime, të firmosura nga vetë kryeministri Rama.

Drejtuesit e kolegjit “Mehmet Akif” u shprehën se do ndërmarrin nisma ligjore kundër këtij vendimi të qeverisë Rama.

Ndërkohë, po aq i ashpër ka qenë edhe reagimi i përfaqësuesve të kopshtit "Turgut Ozal", që e cilësojnë absurd justifikimin e Ministrisë Arsimit për mbylljen e kopshtit, që nxjerr në rrugë të madhe 250 fëmijë.

Prindërit e fëmijëve të mitur të kopshtit dhe përfaqësues të kopshtit zbarkuan në ambientet e Ministrisë së Arsimit, ku pas debateve të ashpra ngritën një grup negociues për të zhvilluar bisedime me ministrinë.





Lajmet e fundit nga