web counter
LEXO PA REKLAMA!

SHKARKO APP

App Store
Google Play

E fundit!

x

“Osmani i fundit”/ Noka për mbylljen e kolegjit: Rama, shërbëtor i interesave të një presidenti të huaj

23 Shtator 2022, 18:20, Aktualitet CNA
“Osmani i fundit”/ Noka për mbylljen e kolegjit: Rama,
Flamur Noka

Sekretari i Përgjithshëm i PD-së, Flamur Noka, ka reaguar për mbylljen e kolegjit "Mehmet Akif Ersoy".

Sipas Nokës, ky vendim vjen pas kërkesave të vazhdueshme të presidentit Recep Tayip Erdogan.

Noka shkruan se qeveria është vendosur në shërbim të interesave politike të një presidenti të huaj.

“Osmani i fundit

Për më shumë se 7 vjet me radhë presidenti turk kërkon nga Edi Rama të mbyllë institucionet arsimore turke në Shqipëri. Këto shkolla që për vite me radhë kanë nxjerrë nxënës të dalluar, olimpiadistë kombëtarë dhe ndërkombëtarë, do të mbyllen padrejtësisht, duke hedhur poshtë në mënyrën më të turpshme kontributin e tyre shumëvjeçar në arsimin shqiptar.

Po çfarë merr Edi Rama në këmbim të këtij vendimi? Them Edi Rama, sepse Shqipëria nuk përfiton asgjë. Qeveria e tij është vendosur në shërbim të interesave politike të një presidenti të huaj. Shqipëria po përdoret si levë. Edi Rama mbetet një shërbëtor i devotshëm i interesave të huaja. Qeveria e tij nuk ka punuar një ditë të vetme për shqiptarët. Interesi i karriges ka superuar interesin kombëtar. Kryeministri e ka dorëzuar sovranitetin e Shqipërisë me një akt të vetëdijshëm tradhtie. Edi Rama e tregëton Shqipërinë për interesat e tij politike, në kurriz të gjithë popullit shqiptar, përfshirë zgjedhësit e tij", shkruan Noka./ CNA.al





Lajmet e fundit nga