LEXO PA REKLAMA!

SHKARKO APP

Rrëmujë e terror për arrestimet te Trauma/ Mjekët që morën ryshfet trajtohen si kriminelë

23 Shtator 2022, 19:13, Aktualitet CNA
Rrëmujë e terror për arrestimet te Trauma/ Mjekët që
Momenti i arrestimit të mjekut

Lajmi i arrestimit të doktorit reanimator, Fitim Marku, ka ‘pushtuar’ që prej mesdite të gjitha mediat në vend.

Marku u vu në pranga pasi u fut në kurth nga një agjent i infiltruar, i cili u paraqit si pacient dhe i dha para mjekut për të marrë shërbim.

Por përtej faktit që ka kryer korrupsion dhe ka marrë ryshfet, mjeku u trajtua si kriminel. Lajmi i arrestimit të mjekut u raportua me zhurmë si të ishte Ervis Martinaj.

Mediat u dyndën para spitalit të Traumës të kapin pamjet kur mjeku po merrej nga forcat blu me pranga në duar, duke krijuar terror.

Më pas, po me bujë u njoftua lajmi se policia arrestoi edhe një tjetër mjeke dhe një infermiere që merrnin para nga pacientë të ndryshëm për kryerjen e skanerave pranë Spitalit të Traumës.

Nga ana tjetër, Jeton Lami, agjenti i Forcave Operacionale që shoqëronte të shumëkërkuarin Ervis Martinaj, u arrestua në fshehtësi të plotë.

Për Jeton Lamin nuk u njoftua asnjë media që të shkonte të filmonte me kamera kur i vinin prangat.

E vërteta është se janë pikërisht qytetarët që kryejnë korrupsion pasiv duke u dhënë mjekëve ryshfet nën duar, qoftë edhe pa ia kërkuar.

Vlen për t'u theksuar se ka mjekë të tjerë që marrin miliona lekë dhe nuk preken nga policia.

Autoritetet mbyllin sytë dhe u shërbejnë kriminelëve e trafikantëve, ndërkohë që krijojnë rrëmujë e terror për arrestimin e dy mjekëve dhe të një infermiereje./ CNA.al

Lajmet e fundit nga