E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Konfirmohet lajmi i CNA.al/ 'Piranjat' dalin me njoftim

2 Janar 2023, 14:26, Aktualitet CNA

Pas raportimit të CNA.al emisioi ‘Piranjat’ ka dalë me një njoftim, ku kanë konfirmuar se nuk do të jenë më pjesë e televiozionit 'ABC News'.

"Abc News" mbyll "Piranjat"/ Çfarë do të ndodhë me emisionin investigativ
1 Janar, 20:28

Në një postim në faqen e tyre zyrtare, 'Piranjat' thonë se sezonin e ardhshëm, emisioni nuk do të transmetohet në ABC News.

Në njoftim ata shkruajnë se emisioni ka pasur një kontratë me televizionin ‘Abc News’, që zgjaste deri në datën 1 janar.

Njoftimi i plotë:

'Emisioni “Piranjat” informon të gjithë ndjekësit dhe pëlqyesit e emisionit se në sezonin e ardhshëm nuk do të transmetohet më në televizionin ABC News.
“Piranjat” ka patur një kontratë me televizionin ABC News e cila zgjaste deri më datën 1 janar 2023, kontratë e cila është respektuar nga ne dhe televizioni.
Me skadimin e kontratës, as nuk është kërkuar nga ana jonë zgjatja e saj, as nuk na është kërkuar nga pronarët e rinj vazhdimi i saj.
“Piranjat” sigurojnë të gjithë shikuesit se misioni i tyre vazhdon, në cilindo televizion që të ndodhemi.
Korrupsioni, plagët sociale, e keqja e përditshmërise do vazhdojnë të “kafshohen” nga emisioni juaj i preferuar.
Shihemi së shpejti!'

Po ku do të shfaqet emisioni ‘Piranjat’?

CNA.al mëson se program do të nisë transmetimin në ‘Syri.TV’, por ende nuk ka një datë fikse.

Kujtojmë se 'ABC News' pas ndërrimit të pronarëve, dhe të drejtorit të programacionit, ku në krye është vendosur Sokol Balla, ka nisur edhe me ndryshimin e programacionit, ku nga kanal gjeneralist, po kthehet në një televizion informativ siç ka qenë në fillimet e tij./CNA.al