LEXO PA REKLAMA!

SHKARKO APP

Drogë dhe afera korruptive/ Zyrtarët e PS-së, që ranë pas hekurave

1 Janar 2023, 16:31, Aktualitet CNA

Drogë dhe afera korruptive/ Zyrtarët e PS-së, që ranë

Gjatë vitit 2022 nuk u kanë shpëtuar prangave disa zyrtarë të PS-së të akuzuar për një sërë veprash penale, që nga korrupsioni, shpërdorimi i detyrës, apo dhe për drogë. Një nga arrestimet më të bujshme ishte ai i ish-kryebashkiakut të Vorës, Agim Kajmaku.

Agim Kajmaku u arrestua në muajin maj të vitit 2022. Ai u kap në zonën e San Benedetto del Tronto për akuzën e trafikut të drogës, pasi iu gjetën 20 kg kokainë.

Arrestim i bujshëm ishte dhe ai i Viktor Cervanakut. Cervanaku u kap pas një operacioni në Fier ku u gjet një laborator droge.

Në banesën e Cervanakut, dyshohet se përpunohej kokaina e ardhur nga Kolumbia. Ai ka qenë përfaqësues i Partisë Socialiste duke mbajtur postin e kryetarit të Komunës Frakull.

Një tjetër zyrtar rilindas që ra në pranga gjatë vitit 2022 ishte ai i kadastrës së Sarandës, Laert Pasha. Arrestimi i tij u bë pasi ishte denoncuar për korrupsion.

Pasha u akuzua se i ka premtuar legalizimin pronarit të një hoteli. Ka qenë vetë Drejtori i Përgjithshëm i Kadastrës, Artan Lame, i cili paralajmëroi arrestimin e shefit të kadastrës në Sarandë.

Një tjetër emër që ra në pranga ishte ish deputeti Alqi Bllako, në kuadër të aferës së inceneratorëve.

Bllako akuzohet për shpërdorim detyre dhe korrupsion pasiv gjatë kohës që ushtronte detyrën si Sekretar i Përgjithshëm i Ministrisë së Mjedisit dhe më tej si drejtor i i Përgjithshëm i Agjencisë Kombëtare të Ujësjellës Kanalizimeve dhe Infrastrukturës së Mbetjeve (AKUM) gjatë periudhës kur janë lidhur dhe janë zbatuar kontratat koncensionare për ndërtimin e inceneratorëve./ CNA.al

Lajmet e fundit nga