web counter
LEXO PA REKLAMA!

SHKARKO APP

App Store
Google Play

Shënim/ Çfarë opozite është "Top Channel" dhe "News 24"

1 Janar 2023, 14:02, Aktualitet CNA
Shënim/ Çfarë opozite është "Top Channel"
Fotomontazh - Vjollca Hoxha dhe Irfan Hysenbelliu

Në 10 vite, pas ardhjes së Rilindjes në pushtet, mediat kryesore të propagandës së Qeverisë kanë qenë "Top Channel", "News 24", "Report TV" i Carlo Bolinos, etj.

"Top"-i njihej si një media e varur direkt nga socialistët, drejtorët e informacionit emëroheshin me bekimin e opozitës së mëparshme dhe më pas Qeverisë në pushtet.

"Top"-i ishte një televizion ku sokëllinte lajmi i kryeministrit, Qeveria, punët e saj të suksesshme, reformat që po bënte.

Në të njëjtën linjë qëndronte edhe "News 24" e Irfan Hysenbelliut. Të dyja këto media, së bashku ndoshta me audiencën më të gjerë në Shqipëri, 24 orë bënin propagandë pro Rilindjes, Qeverisë dhe ministrave të tyre.

Shënim/ Çfarë opozite është "Top Channel"

Një ditë të bukur, "Top Channel" diçka pati. Harroi milionat e eurove të marra nga inceneratorët, dashurinë për socialistët dhe Rilindjen dhe e shpalli veten opozitë, vetëm pse pjesërisht.

Pjesërisht opozitë sepse merret me një individ të caktuar, pra me kryeministrin vetëm, ose ndonjë ministër tek-tuk, të tjerët nuk i zë në gojë. Për më tepër, 24 orë në 24 bën propagandë për Erion Veliajn, kryebashkiakun e Tiranës.

A mund të ketë opozitë një media, e cila bën sikur sulmon Qeverinë për interesat e saj dhe nga ana tjetër, kryebashkiakut, produktit të kësaj partie në pushtet, i cili synon mandatin e tretë për garën e kryeqytetit, bashkinë më të madhe në vend, i mban iso dhe i bën propagandë.

Një copë ekrani në sulm kundër Ramës apo ndonjë kryeministri dhe pjesa tjetër propagandë për kryebashkiakun Veliaj.

Qartazi duket se është një pozicion i mirë opozitar, por një pazar politik e asgjë më shumë sesa kaq.

Shënim/ Çfarë opozite është "Top Channel"

Kështu ndodhi edhe me "News 24", e cila filloi dikur në 2013-ën, sulmonte atëherë ministrin e Brendshëm, Saimir Tahiri, se nuk po e lejonte që së bashku me Lulzim Bashën të bënin një hyrje të personalizuar për te hoteli i Irfan Hysenbelliut, por gjithçka u zbut sepse me ardhjen e Erion Veliajt kryebashkiak gjithçka u zgjidh.

"News 24" vazhdon dhe bën 24 orë propagandë për Erion Veliajn, por sulmon Edi Ramën, zv.kryeministren dhe ministren e Infrastrukturës, Belinda Balluku dhe ndonjë ministër tjetër. Merret dhe me çështje Doganash dhe Tatimesh kryesisht.

Këto të fundit, më shumë sesa lajme opozitare, janë problematikat që Irfani ka me taksat, sepse nuk është se ka qejf shumë t'i paguajë, prandaj dhe ka disa gjoba dhe disa hetime të hapura në prokurori për miliona e miliona euro taksa dhe detyrime pa paguar shtetit.

Prandaj këto dy media më shumë sesa opozitare, janë media në pazare, media në hallet e tyre personale, të pronarëve të tyre, mënyrës se si menaxhohen, llokmave që duan nga pushteti, pasi të dyja kanë marrë sa kanë dashur dhe çfarë kanë dashur, jo thjeshtë dhe vetëm me fatura, edhe pa fatura, edhe objekte në përdorim e të tjera si këto.

Inceneratorët i kanë paguar të dyja, koncesionet e Qeverisë, PPP-të i kanë paguar të dyja, dikush mund të thotë janë reklama, dikush mbyllje goje, por kur diçka del aferë, përgjegjësia është e asaj medie.

Dhe në këtë rast nuk kemi një media apo dy, që duan të bëjnë oponencën e Qeverisë për të rrëzuar kryeministrin, se këtu do të ishin në të drejtën e tyre dhe duheshin mbështetur maksimalisht sepse ai është misioni i medias, në krah të publikut, kundër Qeverisë atje ku ka gabime, problematika dhe i tregon asaj se ku ka gabuar.

Në fakt, media, në këtë rast "Top Channel" dhe "News 24" nuk e kanë bërë këtë detyrë për 10 vjet, por kanë nja 6 muaj që kanë filluar të shfaqen si opozitare, duke çuditur njerëzit, aq sa Berisha dhe Meta duken më të vegjël përballë tyre si opozitarë, pa folur për Lulin që nuk duket fare.

Është vërtetë e trishtë, e pabesueshme se si media keqpërdor mbështetjen që ka nga publiku, pra audiencën e saj, se si i thotë atij sa të lumtur jetojmë me Qeverinë dhe Ramën dhe pas 24 orësh thonë sa keq jetojmë me këtë Qeveri dhe Ramën, por jetojmë të lumtur me pjesën e Erion Veliajt. Ky është mesazhi që na vjen nga "News 24" dhe "Top Channel"./ B.A. - CNA.al





Lajmet e fundit nga