web counter
LEXO PA REKLAMA!

SHKARKO APP

App Store
Google Play

E fundit!

x

A ka presione dhe shantazhe ndaj sistemit gjyqësor?/ Flet Artur Metani: Jo vetëm nga politika

2 Janar 2023, 11:24, Aktualitet CNA
A ka presione dhe shantazhe ndaj sistemit gjyqësor?/ Flet Artur Metani: Jo
Inspektori i Lartë i Drejtësisë Artur Metani

Inspektori i Lartë i Drejtësisë Artur Metani ka bërë bilnacin e punës gjatë vitit 2022 duke analizuar sfidat dhe ambiciet e institucionit që drejton për vitin 2023.

Gjatë një interviste me gazetarin Eni Ferhati të "Euronews Albania" Metani tha se nëse në fillimet e veta, flitej për mungesa njerëzore e infrastrukturore, gati 3 vite më vonë e gjatë vitit që u mbyll, ILD krenohet se ka rezultate dhe flet për vendosje standardesh në sistem, si për punën e gjyqtarëve, ashtu edhe atë të prokurorëve.

Ndër të tjera ka folur edhe për sistemin gjyqësor duke pranuar se ka presione dhe shantazhe jo vetëm nga politika por edhe media apo shoqëria.

I pyetur se si i shikon deklaratat publike, edhe nga kreu i SPAK-ut për presione e shantazhe ndaj aktorëve të sistemit të drejtësisë, Metani tha se në këndvështrimin e tij sistemi gjyqësor nuk mund të ketë sukses, nëse nuk mbështetet, nëse nuk i krijohet mjedis demokratik, pasi nuk mund të ketë demokraci pa pavarësi të pushtetit gjyqësor dhe nuk mund të ketë pavarësi të sistemit gjyqësor, në qoftë se nuk ka demokraci. Nuk mund të shkojnë të dyja anash dhe larg njëra-tjetrës, pasi të dyja ndihmojnë një proces shumë të rëndësishëm, që është kushtetutshmëria e sjelljes politike në vend.

“Ka 5 vite që janë krijuar institucionet e reja të sistemit të drejtësisë dhe po prodhojnë sipas mendimit tim disa rezultate dhe ne duhet ta ushqejmë këtë punë, sepse tek e fundit prandaj e ngritëm këtë sistem të ri, nëse ne çdo ditë dalim dhe kritikojmë, edhe kur themi kritikojmë tej kufijve kushtetues të kritikës, atëherë cili është mesazhi dhe imazhi që japim për këto institucione të reja të drejtësisë, edhe si duam ne të funksionojnë duke i sharë tërë kohës, duke intimiduar gjithë kohën,  padyshim që nuk funksionon kështu, padyshim që nuk mund të ketë sukses kështu.

Kjo shkon jo thjesht për pjesën politike, por edhe për pjesën mediatike edhe për pjesën shoqërore, sepse sistemi gjyqësor i përket gjithë shoqërisë, dhe i përket gjithë shoqërisë sot dhe në të ardhmen. Debati duhet bërë në mënyrë të kujdesshme, jo për ruajtjen apo krijimin e disa zgjidhjeve sot, për situata që ne na përplasin me sisteminin gjyqësor.

Ne duhet të mendojmë që çdo zgjidhje, çdo kritikë apo çdo propozim që japim për punën e sistemit gjyqësor, duhet ta mendojmë për vitet që vijnë, duhet ta mendojmë si strategji afatgjatë, duhet ta mendojmë në mënyrë parimore. Vetëm kështu do të kemi sukses me reformën dhe sistemin gjyqësor që prodhon drejtësi.

Nëse ne mundohemi të zgjidhim situatat e sotme me një zgjidhje të sotme, pa e parë me synim afatgjatë një rast, atëherë ne nuk kemi bërë asgjë, vetëm zgjasim agoninë e zhvillimit tonë.”, tha z. Metani./ CNA.al

 

 





Lajmet e fundit nga