LEXO PA REKLAMA!

SHKARKO APP

App Store
Google Play

Këshillat që vijnë me "dron"/ Kreu i PL: Kujdes sahatet se i mbifaturojnë patronazhistët

25 Shtator 2022, 12:26, Aktualitet CNA
Këshillat që vijnë me "dron"/ Kreu i PL: Kujdes sahatet
Sahati i dritave/ foto ilustruese

Kreu i Partisë së Lirisë, Ilir Meta, gjatë një konference për mediat, ka folur lidhur me problematikën e energjisë eletrike në vend. Pas një lumi akuzash që hodhi mbi qeverinë, Ilir Meta u ka bërë thirrje qytetarëve që të kenë kujdes, pasi ekziston mundësia që të mbifaturohen në mënyrë të padrejtë. 

"Ju e dini që OSHEE shkëlqen me dështimet e saj. Humbjet e OSHEE janë të paktën 23%, megjithëse është investuar shumë. Humbjet duhet të ishin 6-9%. 1 miliardë euro janë hedhur në xhepat e korrupsionit të Rilindjes. Ne e dimë që Furnizuesi i Shërbimit Universal ka 920 mijë fatura, nga të cilat 800 mijë janë qytetarët. Prodhimi i KESH, edhe në vitin më të thatë, është i mjaftueshëm për të përballuar të gjithë konsumin në vend. Dihet që kostoja e prodhimit nga uji është mjaft lirë, 1.5 lekë. Ndërkohë që kostoja e shitjes nga FSHU është 42 lekë plus TVSH. E gjithë kjo situatë që paraqitet si situatë për efekt të luftës në Ukrainë në fakt është si rezultat i dështimit të plotë të çdo lloj reforme në vend, në sektorin e energjisë dhe ujësjellës-kanalizimeve.

U bëjmë thirrje qytetarëve që të verifikojnë faturimet dhe të ruajnë sahatet e tyre nga ndërhyrjet e patronazhistëve dhe jo vetëm për t'i mbifaturuar."- u shpreh kreu i PL-së.

Kjo është deklaratë nga një pushtetar, i cili e sheh problemin nga pozicioni që ka në shoqëri, por në anën tjetër kjo do të ishte diçka shumë shqetësuese për qytetarët në rast se konstatohet dhe duhet më tepër se një "këshillë" për të çuar drejtësinë në vend. /CNA.al

Lajmet e fundit nga