web counter
LEXO PA REKLAMA!

SHKARKO APP

App Store
Google Play

E fundit!

x

Iu dogjën dy makina në Bilisht/ Deizi Arapi hedh dyshime mbi deputetin e PD-së: Më hoqi mamanë nga puna

25 Shtator 2022, 12:13, Aktualitet CNA

Iu dogjën dy makina në Bilisht/ Deizi Arapi hedh dyshime mbi deputetin

Deizi Arapi është 27-vjeçarja, e cila pak kohë më parë bëri bujë, pas ndalimit nga policia e ahtetit, për "prishje të qetësisë publike" dhe së fundmi asaj i kanë djegur edhe makinën tip "Benz". 

Pas kësaj ngjarjeje, e reja ka kërkuar ndihmë nga shteti, ndërkohë që shprehet se ajo kohë më parë ka pasur një konflikt me kryebashkiakun e Bilishtit, Bledion Nallbati, i cili aktualisht është deputet i Partisë Demokratike. 

"Jeta ime është në rrezik. I kërkoj ndihmë shtetit pasi është hera e dytë që më ndodh dhe ka lidhje me një konflikt të vjetër. 4 vite më parë mamaja ime është pushuar nga puna si pastruese padrejtësisht dhe unë jam konfliktuar me ish-kryebashkiakun Bledion Nallbati (aktualisht deputet). Pas konfliktit m'u dogj makina e parë. Dje gjatë gjithë ditës më ka ndjekur një person me të cilin dhe kam shkëmbyer fjalë mbrëmë. Ai është punonjës i karburantit në pronësi të Bledion Nallbatit. Në vendngjarje është gjetur një bidon benzine nga ky karburant ashtu si herën e kaluar. Djegien e makinës së parë policia e konsideroi aksidentale, por ja që ngjarja po përsëritet. Nëse nuk merren masa nuk është çudi që unë të përfundoj në ndonjë kanal."- shprehet 27-vjeçarja Dezi Arapi. 

Makina tjetër për të cilën bëhet fjalë se i është djegur në 2018, ishte tip "Smart". Ndërkohë që hetimet policore bënë me dije se sulmi ndaj pronës është bërë për motive hakmarrjeje mes vajzash./CNA.al





Lajmet e fundit nga