web counter
LEXO PA REKLAMA!

SHKARKO APP

App Store
Google Play

“Programi i 'Telegram' është rus”/ Karamuço: Informacionet e hakuara mund t’i aksesojë çdo kush

24 Shtator 2022, 21:32, Aktualitet CNA
“Programi i 'Telegram' është rus”/
Ervin Karamuço

Në datën 19 shtator Prokuroria dhe institucione të tjera morën vendimin për ndalimin e publikimeve në media dhe rrjete sociale të të dhënave të nxjerra nga hakerat.

Sipas këtij vendimi, media apo individë në rrjete sociale që publikojnë të dhënat do të përballen me ligjin.

Eksperti i kriminalistikës, Ervin Karamuço, për emisionin “Vetting”, thekson se informacionet mund t’i aksesojë çdokush dhe shumë lehtë, pasi informacionet janë në "Telegram".

 “Informacionet janë në 'Telegram', 'Telegram'-in mund ta aksesosh shumë thjeshtë, mund të bëhen ndërhyrje edhe nga ana e partnerëve ndërkombëtarë që këto kanale të mbyllen në 'Telegram', por 'Telegram'-i ka një problem, programi i 'Telegram'-it është Durovi, është rus, megjithëse i ka zhvendosur serverat e tij në Dubai ai mbetet prapë rus dhe më kujtohet thirrjen e para disa kohëve që i bënte popullit të Ukrainës. Vetë pronari i 'Telegram'-it duke ju thënë ju lutem përdorni 'Telegram'-in unë nuk jam i agjenturës ruse. Që këtu s’më ka pëlqyer, mbase mund të jetë vënë në shërbim edhe 'Telegram'-i si pjesë e të gjithë kësaj që ne e quajmë sulm të koordinuar, të strukturuar jo midis hakerave, midis shteteve jomike të Shqipërisë”, tha eksperti i kriminalistikës./CNA.al





Lajmet e fundit nga