LEXO PA REKLAMA!

SHKARKO APP

Investimet e Rozafës nuk ndalen/ Gjergj Luca thirrje Albin Kurtit: Të bëjmë Fish City në kufijtë Kosovë-Shqipëri

23 Shtator 2023, 19:41, Aktualitet CNA

Investimet e Rozafës nuk ndalen/ Gjergj Luca thirrje Albin Kurtit: Të

Investimet e Rozafës nuk ndalen as në zonat rurale, as në ato urbane e madje tani po investojnë edhe aty ku ka histori dhe traditë.

Biznesmeni dhe sipërmarrësi, Gjergj Luca bëri me dije se në Fier përballë Apollonisë së lashtë, së shpejti hedh themelet qyteza më e re e Rozafës.

Në një video të ndarë në rrjetet sociale Luca gjithashtu i bëri thirrje kryeministrit të Kosovës Albin Kurti që t’i mundësojë Fish City që të prekë kufijtë e Kosovës dhe të Shqipërisë.

“Siç ju kemi thënë para 2-3 muajve ne do të fillojmë një investim në zonën e Fierit. Me thënë të drejtën ne vendin e gjetëm dhe po të shikoni në shpinën time keni qytetin e Apollonisë, një qytet 600 vjet para krishtit. Ishalla kur ta vëmë pikën ne do të thonë dhe 200 vjet para Lucës. Ne kemi vendosur që pas këtij investimi do të udhëtojmë për Kukës dhe kemi shumë dëshirë që në Kukës ne të bëjmë një Fish City që të prekë kufijtë e Kosovës dhe të Shqipërisë.

Unë i jam lutur Albin Kurtit, a ka mundësi të bëjmë një Fish City në kufijtë mes Kosovës dhe Shqipërisë. Imagjinoni sikur banakjeri të ishte gjakovar që të mban me muhabete edhe klienti të ishte lab. Ose në kuzhinë të ishin kuzhinjerët e mrekullueshëm të Prishtinës dhe kamarjer të ishte një nga Gjirokastra që të kishte marrë 4 pjata dhe derisa të shkonte tek tavolina 3 t’i linte rrugës se do t’i dukeshin shumë dhe të çonte një. Pash zotin shoku Albin, viston e kryeministrit të Shqipërisë e kami marrë, na e jep këtë visto të fillojmë me Razafën me Fish City të heqim kufijtë, pasatj të mendojmë të heqim kufijtë dhe me komshinjtë dhe me miqtë tanë rreth e qark. Do ta bëjmë shumë shpejt miq. Besoj se brenda fillimit të turizmit të ardhshëm ne do t’i shërbejmë gjithë zonës së Fierit, zonës së Vlorës por dhe rrugës që shkon për Gjirokastër. Na ndiqni miq!”, tha Luca./ CNA

 

Lajmet e fundit nga