E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Blloku që nxori zbuluar Redi Mollën/ Merrte pjesë në mbledhjet e kompanisë "5D"

3 Prill 2024, 12:21, Aktualitet CNA

Blloku që nxori zbuluar Redi Mollën/ Merrte pjesë në

Redi Molla dhe Erion Veliaj

Dosja hetimore e SPAK-ut për drejtorët e arrestuar të kreut të Bashkisë Tiranë, Erion Veliaj, është e mbushur me fakte dhe prova, ku tregohet qartazi se zyrtarët kanë shkelur ligjin gjatë procedurave të dhënies së tenderëve ndaj kompanisë "5D Konstruksion".

Nga hetimet e SPAK-ut ka rezultuar se Molla dhe Qato janë pronarët "de facto" të kompanisë "5D Konstruksion", nëpërmjet së cilës janë përfituar me dhjetëra tenderë në shkelje të ligjit.

Në dosjen hetimore theksohet se në bllokun e Mariglen Likës, punonjësi i kompanisë "5D", i cili është sekuestruar dhe është në duart e hetuesve, janë gjetur shënime për një mbledhje të datës 23 shkurt 2022. Ajo që vihet re nga shënimet është se Redi Molla ka marrë pjesë në mbledhjen e kompanisë "5D Konstruksion".

Këtu lindin edhe dyshimet: Pse duhet të ishte i pranshëm në mbledhjen e një kompanie private, Redi Molla, ish-drejtori i arrestuar i Ujësjellësit të Tiranë?

Pas hetimeve, SPAK-u e akuzon Redi Mollën për veprat penale të korrupsionit dhe fshehjes së pasurisë. SPAK-u ka gjetur edhe komunikime telefonike mes Redi Mollës dhe Nestor Muhametllarit, administrator i kompanisë "5D". Po kështu janë zbardhur edhe mesazhe ku flitet për pazaret, tenderët, apo edhe për të dhënat financiare të kompanisë.

"Në zyrën e shoqërisë '5D Konstruksion' sh.p.k. është gjetur dhe sekuestruar edhe një bllok tjetër me mbishkrimin 'Yuku', i cili i përket shtetasit Marenglen Lika, punonjës në këtë shoqëri. Në këtë bllok janë gjetur këto shënime që bëjnë fjalë po për datën 23.02.2022, si më poshtë: Mbledhje me Stafin + 'Redi'. 1) Riorganizim në 2022 e në vazhdim. 2) Nestori nuk do të merret më me punet operacionale. Punimet do të ndahen në 2 Departamente: 1- Seksioni Administrativ, 2- Seksioni Inxhinierik (Zbatim dhe Teknik zyra). Për çdo person I job-diskripsion. Raportin dhe plan cdo dite te shtune. Burimet njerëzore do të varen nga seksioni Administrativ (Jonida). Në dy blloqet e mësipërme janë gjetur shënimet për mbledhjen me stafin e shoqërisë, që bëjnë fjalë për të njëjtën ditë, data 23.02.2022, që pothuajse kanë të njëjtën përmbajtje. me ndryshimin që në bllokun e dytë përshkruhet qartë se në mbledhjen me stafin ka marrë pjesë edhe personi me emrin 'Redi'", thuhet në dosjen hetimore./CNA