LEXO PA REKLAMA!

SHKARKO APP

Skandali me investimet strategjike/ Brisida Shehaj “shuplakë” Këshillit të Ministrave

2 Prill 2024, 19:17, Aktualitet CNA
Skandali me investimet strategjike/ Brisida Shehaj “shuplakë”
Ekspertja e Ekonomisë, Brisida Shehaj

Ekspertja e Ekonomisë, Brisida Shehaj ka komentuar skandalet që kanë ndodhur në Bashkinë e Tiranës me arrestimet e drejtorëve të Veliajt si dhe arrestimin e kryebashkiakut të dorëhequr të Himarës Jorgo Goro.

Për të dyja rastet, Brisida Shehaj thekson se nuk ka patur asnjë reagim nga Këshilli i Ministrave për revokim të statusit për “investitorin strategjik”, Artan Gaçin dhe revokim për statusin “special” për kompaninë që ka ndërtuar hotelin.

Ekspertja e Ekonomisë në reagimin e saj nënvizon se përsa kohë nuk ka revokim, korrupsioni fillon në bashki dhe përfundon  në Kuvend e Qeveri.

“Në fillim u arrestua Jorgo Goro pasi toka mbi të cilën është miratuar statusi i investitorit strategjik për Artan Gacin ishte përfituar në dokumenta të falsifikuara.

Asnjë reagim nga Këshilli i Ministrave dhe Komiteti i Investimeve Strategjike.

Sipas ligjit ai status duhet të ishte revokuar urgjent.

Më pas u hap kutia e pandorës në Bashkinë e Tiranës.

Kompania që ndërton hotelin me 5 yje dhe investitori hetohen për përfitime të fondeve publike nëpërmjet korrupsionit.

Mirela Kumbaro dhe Këshilli i Ministrave i miratuan statusin “special” dhe sot nuk i revokohet.

Përsa kohë nuk ndodh kjo, historia bëhet e qartë.

Fillon në Bashki e përfundon në Kuvend e Qeveri”, shkruan Brisida Shehaj./ CNA

Lajmet e fundit nga