LEXO PA REKLAMA!

SHKARKO APP

Olsi Rama padit Gazment Bardhin pas akuzave për dosjen "Xibraka"

2 Prill 2024, 14:26, Aktualitet CNA
Olsi Rama padit Gazment Bardhin pas akuzave për dosjen "Xibraka"
Olsi Rama

Olsi Rama, vëllai i kryeministrit Edi Rama, ka bërë kallëzim në SPAK ndaj nënkryetarit të PD-së, Gazment Bardhi, për akuzat dhe deklaratat e bëra nga ky i fundit në një emisionin televiziv për dosjen "Xibraka".  

Ai e akuzon Bardhin për "kallëzim të rremë".  Rama thekson se faktet e paraqitura nga Bardhi janë të pavërteta dhe janë publikuar me qëllim nga kreu i grupit të PD-së.

Sipas Olsi Ramës, Bardhi me të gjitha veprimet që ka kryer në SPAK ka cënuar veprimtarinë e rregullt e normale të organeve të drejtësisë, por dhe të drejtat e liritë si individ, të mbrojtura me legjislacionin penal.

"Në pikëpamjen objektive rezulton se i kallëzuari ka paraqitur prova të paqena në një emision të shfaqur në një televizion kombëtar. Ai ka vepruar publikisht në këtë mënyrë, me synimin e nisjes së një procedimi penal ndaj meje, për fakte të pavërteta e të pakonsumuara nga ana ime. Me këtë sjellje të tij, i kallëzuari ka cenuar veprimtarinë e rregullt e normale të organeve të drejtësisë, por dhe të drejtat e liritë e mia si individ, të mbrojtura me legjislacionin penal. Në pikëpamjen subjektive, krijimi i këtyre provave është bërë me dashje të drejtpërdrejtë nga i kallëzuari, pasi ai është në dijeni të pavërtetësisë së tyre dhe në mënyrë të qëllimshme synon paraqitjen e tyre në organet e hetimit që ndaj meje, kallëzuesit, të nisë procedimi penal. Në vështrim të kritereve ligjore, i kallëzuari i përmbush kushtet për t'u konsideruar subjekt i këtij krimi", thuhet ndër të tjera në kallëzim.

Pak ditë më parë, Gazment Bardhi deklaroi publikisht se ka dorëzuar prova dhe fakte të reja në SPAK që implikojnë Olsi Ramën në dosjen "Xibraka"./CNA 

Lajmet e fundit nga