LEXO PA REKLAMA!

SHKARKO APP

"Do t'i vras politikanët"/ Dënohet me 6 vite burg 37-vjeçari që u kap me arsenal armësh

2 Prill 2024, 10:10, Aktualitet CNA
"Do t'i vras politikanët"/ Dënohet me 6 vite burg
Armando Leka

Të martën, Gjykata e Lezhës ka dënuar me 6 vite burg Antonio Lekën. Ky i fundit, në janar të vitit 2023, u kap me arsenal armësh me vete dhe i veshur me jelek antiplumb.

Pasi u arrestua, ai deklaroi para hetuesve se ishte nisur për të vrarë politikanët e Lezhës. Leka u shpall fajtor për veprat penale: "Mbajtja pa leje dhe prodhimi i armëve, armëve shpërthyese dhe i municionit" dhe “Prodhimi dhe shitja e narkotikëve” dhe në total u dënua me 9 vite burg, por përfitoi nga gjykimi i shkurtuar dhe bashkimi i dy dënimeve. 

Gjatë arrestimit, më shumë se një vit më parë, ai nuk bëri rezistencë. Policia i sekuestroi 1 armë zjarri pistoletë me 5 karikatorë, 1 automatik me 5 karikatorë, 550 fishekë luftarakë për pistoletën dhe automatikun, 1 palë dylbi, 1 antiplumb ushtarak, 1 thikë, 1 çantë ushtarake, 75 gramë lëndë e dyshuar narkotike kanabis dhe rroba kamuflazhi./CNA 

Lajmet e fundit nga