LEXO PA REKLAMA!

SHKARKO APP

“Veliaj në krye të grupit të strukturuar kriminal/ Këlliçi: Largohu një orë e më parë

2 Prill 2024, 20:38, Aktualitet CNA

“Veliaj në krye të grupit të strukturuar kriminal/

Drejtuesi politik i PD-së për Tiranën, Belind Këlliçi u ka bërë thirrje qytetarëve që të bashkohen në protestën e Aleancës për Mbrojtjen e Teatrit që do të zhvillohet para Bashkisë në 5 Prill në orën 11:00.

Përmes një statusi në rrjetet sociale, Këlliçi është shprehur se Veliaj duhet të largohet një orë e më parë nga Bashkia dhe duhet të dorëhiqet.

Anëtari i Kryesisë së PD-së i është drejtuar organeve të drejtësisë të veprojnë menjëherë ndaj grupit të strukturuar kriminal me në krye Erion Veliajn.

“Të premten të gjithë në protestë përpara Bashkisë Tiranë. Le ti bashkohemi protestës së thërritur nga Aleanca për Mbrojtjen e Teatrit në mbrojtje të qytetit tonë dhe taksave tona.

Hajduti me emrin Erion Veliaj duhet të largohet një orë e më parë nga bashkia. Dorëheqja është minimumi që duhet të ndodhë në këtë rast! SPAK të mos fshihet më. Drejtësia duhet të veprojë menjëherë ndaj Grupit të Strukturuar Kriminal 5D me në krye Erion Veliajn”, shkruan Këlliçi./ CNA

Lajmet e fundit nga