web counter
LEXO PA REKLAMA!

SHKARKO APP

App Store
Google Play

Fakti/ “5D” u themelua me emrin “Igor Elektrik” kur Molla dhe Qato punonin në Drejtorinë e Rrugëve

1 Prill 2024, 12:30, Aktualitet CNA

Fakti/ “5D” u themelua me emrin “Igor Elektrik” kur

CNA ka zbuluar të tjera detaje nga dosja hetimore e Prokurorisë së Posaçme për drejtorët e arrestuar në Bashkinë Tiranë, Mariglen Qaton, Redi Mollën, Taulant Tushën, si dhe zyrtarët e tjerë.

Në dosje tregohen hapat njëri pas tjetrit se si u krijua kompania “5D” që fitoi tenderç nga Bashkia e Tiranës.

Emri fillestar i kësaj kompanie ka qenë “Igor Elektrik” sh.p.k. dhe është themeluar nga Eduart Meta, ky i fundit shok me drejtorin e Erion Veliajt, Mariglen Qato.

“Igor Elektrik” sh.p.k. është themeluar në datën 22.01.2016 dhe përkon me periudhën e fundit që Mariglen Qato dhe Redi Molla kanë punuar së bashku në Drejtorinë e Përgjithshme të Rrugëve dhe Ndriçimit Publik.

Kjo pasi Qato dhe Molla janë punësuar në gusht të vitit 2015 në Drejtorinë e Përgjithshme të Rrugëve dhe Ndriçimit Publik.

Në shkurt të vitit 2016, Redi Molla është emëruar në krye të UKT-së dhe në muajin mars ka emëruar si vartës të tij Mariglen Qaton.

“Nga të dhënat e ekstraktit historik të regjistrit tregtar rezulton se në datë 22.01.2016 është regjistruar në regjistrin tregtar shoqëria "Igor Elektrik" sh.p.k., me objekt të veprimtarisë së saj kryerjen e ndërtimit të objekteve civile, industriale dhe social kulturore, ndertimin e rrjeteve inxhinierike të ujësjellësit, të linjave elektrike, ndërtimin e rrugëve, veprimtari në fushën e studimit, projektimit. supervizionit etj. Kjo shoqëri rezulton se është themeluar nga shtetasi Eduard Meta, në cilësinë e ortakut të vetëm dhe administratorit të saj. Kapitali fillestar i shoqërisë ka qenë në shumën 100 lekë, i ndarë në 100 pjesë me vlerë nominale të kuotës 1 lekë. Rezulton se me kontratën nr.242 rep., nr.20 ko! datë 27.01.2017 shtetasi Eduard Meta i ka shitur shtetasit Muhamet Petriti 75% të kuotave të shoqërisë, për çmimin 75 lekë. Pas shitjes së 75% të kuotave të shoqërisë shtetasi Eduard Meta ka vijuar që të ushtrojë funksionin e administratorit, deri në datën 22.06.2018, datë në të cilën është emëruar në detyrën e administratorit të shoqërisë shtetasi Nestor Muhametllari. Rezulton se me kontratën nr.1883 rep., dhe nr.596 kol., datë 07.12.2018 shtetasi Eduard Meta i ka shitur shtetasit Muhamet Petriti edhe pjesën tjetër të aksioneve të tij në shoqëri prej 25% në shumën 25 lekë. Nga ky moment aksionet e shoqërisë janë zotëruar në masën 100% nga shtetasi Muhamet Petriti, ndërkohë shtetasi Nestor Muhametllari ka vazhduar të ushtrojë funksionimin e administratorit të shoqërisë”, thuhet në dosje.

Fakti/ “5D” u themelua me emrin “Igor Elektrik” kur

Një tjetër fakt që duhet përmendur janë ndryshimet e aksionerëve dhe ndryshimi i emrit të kompanisë. Meta, në janar të 2017-ës, ia shiti 75% të aksioneve Muhamet Petritit, vjehrrit të vëllait të Mariglen Qatos dhe në dhjetor të 2018-ës i shiti edhe pjesën tjetër të aksioneve të njëjtit person.

Disa ditë pas blerjes së 100% të aksioneve, Petriti ndryshoi emrin nga “Igor Elektrik” sh.p.k. në “V.A.S. Konstruksion”, ndërsa në 4 mars të 2021-shit aksionet ia ka shitur totalisht Nestor Muhametllarit.

“Me kontratën e shitjes së kuotave të datës 04.03.2021 shtetasi Muhamet Petriti shiti 100% të kuotave të shoqërisë te shtetasi Nestor Muhametllari, deri në atë moment administratori i shoqërisë i emëruar prej tij, për çmimin 1,000,000 lekë. Ndërkohë rezulton se vetëm gjatë vitit 2020 shoqëria kishte realizuar fitime në shumën 106,811,679 lekë dhe po ashtu kishte fitim të pashpërndarë të akumuluar nga viti 2019 në shumën 33,244,858 lekë. Rreth 4 muaj nga momenti i blerjes së aksioneve të shoqërisë, në datën 22.07.2021, ortaku i vetëm i shoqërisë ka disponuar për ndarjen e dividentit (ndaj ortakut Nestor Muhametllari) në vlerën 36,800,000 lekë”, theksohet më tej në dosjen hetimore të siguruar nga CNA.

Fakti/ “5D” u themelua me emrin “Igor Elektrik” kur

Në datë 7 dhjetor të 2021-shit, Muhametllari i ka ndryshuar kompanisë emrin në “5D Konstruksion” sh.p.k.

Pra, dy fakte të rëndësishme janë themelimi i kompanisë në kohën që Molla dhe Qato punonin në Drejtorinë e Rrugëve dhe ndryshimi i pronarëve e aksionerëve./ CNA





Lajmet e fundit nga