Qukës-Qafë Plloçë merr zgjidhje/ Qeveria, 48 milionë dollarë shtesë për përfundimin e punimeve

26 Janar 2022, 19:39, Aktualitet CNA
Qukës-Qafë Plloçë merr zgjidhje/ Qeveria, 48 milionë

Qeveria shqiptare ka marrë një tjetër hua me vlerë 184 milionë rialë sauditë ose rreth 48 milionë dollarë, me qëllimin përfundimin e punimeve në aksin Qukës-Qafë Plloçë.

Sipas vendimit të publikuar, sauditët kanë rënë dakord të japin 184 milionë rialët pasi kanë dhënë një pjesë të kredisë fillestare si dhe një kredi tjetër shtesë në vitin 2014.

Punimet duhej të kishin përfunduar sipas kontratës rreth vitit 2018, por tre vjet pas tejkalimit të afatit, rruga nuk është ndërtuar dhe do të kërkojë, përveç kohës shtesë, edhe 48 milionë dollarë të tjera.

Kreditë e dhëna për këtë rrugë kanë afat shlyerje të gjatë dhe një periudhë fillestare pesëvjeçare gjatë së cilës nuk paguhet principal, por vetëm interesa.

Kujtojme që CNA.al, ka pasqyruar vazhdimisht problematikat me zvarritjen e punimeve në këtë segment i cili pothujse për një dekade u la në harresën e qeverisë./CNA.al

 

Lajmet e fundit nga